Túrkistan oblysynyń ákimi Darhan Satybaldy salaǵa jaýapty basshylarmen birge oblys ortalyǵy – Túrkistan qalasynda atqarylyp jatqan jol jóndeý jumystaryn baqylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Birinshi kezekte, qalalyq mańyzy bar joldardy retteýimiz kerek. Eski qala aýmaǵyndaǵy ishki joldardy da nazarǵa alǵan jón. Turǵyndardan jol sapasy boiynsha narazylyǵyn kóp estimin. Jol qurylysyn qolǵa alǵan merdigerler men sapasyn qadaǵalaýshy mekemeler tiisti deńgeide jumystaryn atqarsyn, – degen aimaq basshysy jaýapty tulǵalarǵa naqty tapsyrmalar júktedi.
Qala ákimi tarapynan J.Maikotov jáne Táýke han kóshesi aralyǵyna jol salý boiynsha usynys aitylyp, jobasy tanystyryldy. Bul joldyń uzyndyǵy 1,47 shaqyrymdy quraidy. Jobany biyl iske asyrý josparlanýda. 2020 jyly jasalǵan jobanyń jobalyq smetalyq quny 832,06 mln teńge bolǵan. Túzetýden keiingi quny qymbattaǵan. Joba qaita memlekettik saraptamadan ótkizilýge usynyldy.
Túrkistan qalasyndaǵy “Iasaýi” turǵyn úi kesheniniń qurylysy da aiaqtalýǵa jaqyn. Jańa turǵyn úiden 88 otbasy baspanaly bolady. Oblys ákimi baspana sapasyna basa nazar aýdarýdy, qurylysty kestege sáikes aiaqtaýdy tapsyrdy.
