رەسەيدٸڭ جوعارعى مٷفتيٸ تالعات تادجۋددين مۇحاممەد پايعامبار كاريكاتۋراسىن «تٷككە تۇرعىسىز» دەپ اتاپ, سول ٷشٸن سوعىسۋعا بولمايدى دەپ مەلٸمدەدٸ. مٷفتيدٸڭ ايتقاندارىن ربك جارييالادى.
«تٷككە تۇرعىسىز نەرسەگە بولا سوعىس جارييالاۋعا بولمايدى. قۇداي دا, ونىڭ ٷمبەتتەرٸ دە بۇنى قالامايدى», - دەپ مەلٸمدەدٸ مۋفتي.
ونىڭ اتاپ ٶتكەنٸندەي دٸن ادامدى تۋرا جولعا باعىتتاۋ ٷشٸن بەرٸلەدٸ. بۇل ٶمٸردە بەيبٸتشٸلٸك پەن تاتۋلىق ورناتۋ دٸننٸڭ باستى ۇستانىمى.
"جارايدى, ەلگٸ ادامدى دۇشپان ساناپ, سوعىس جارييالادىڭ دەلٸك. سودان نە ۇتتىڭ? ودان بۇرىن بٸر ەمەس, بٸرنەشە ميلليون ادامنىڭ قارعىسىنا قالعان قارسى تاراپ ٶزٸن قالاي سەزٸنەدٸ? دٸن جولىن قۋعان ەربٸر ادام مۇنى الدىمەن ار-ۇيات تۇرعىسىنان باعامداپ, اشۋدى اقىلعا جەڭدٸرۋٸ كەرەك. سوندا عانا باق-بەرەكە ورنايدى.
تادجۋددين ارانداتۋعا اربالىپ قالماۋعا شاقىردى.
"وسىدان التى-جەتٸ بۇل بۇرىن دەل وسىنداي داۋ بولدى. باتىستاعى بٸرنەشە ەل پايعامباردىڭ سۋرەتٸن سالىپ, سوڭى ايعاي-شۋعا ۇلاستى. باتىس ەلشٸلٸكتەرٸنە شابۋىل جاسالدى... فرانتسۋز ەلشٸلٸگٸنٸڭ الدىنا تاعى دا نٶپٸر ادام جينالىپتى. نەگە? نە ٷشٸن", – دەيدٸ تالعات تادجۋددين.
بۇعان قوسا, ول شەشەنستان مٷفتيٸنٸڭ ايتقاندارىنىڭ ونىڭ جەكە پٸكٸرٸ دەپ سانايدى. بۇنىڭ الدىندا شەشەن مٷفتيٸ فرانتسييا پرەزيدەنتٸ ەممانۋەل ماكرون مەن فرانتسۋزداردى بارشا مۇسىلماننىڭ جاۋى دەپ مەلٸمدەگەن.
"مۇحاممەد پايعامبار ٶز ۋاعىزىندا كەك الۋ ٶسيەت ەتكەن جوق, كەرٸسٸنشە كەشٸرە بٸلۋدٸ جوعارى باعالادى. سوندىقتان بٸرەۋدٸ جاۋ دەپ جارييالاۋ يسلامنىڭ قۇندىلىعىنا قايشى", – دەدٸ ول.
بيىل 16 قازاندا پاريجدە شەشەن ۇلتىنىڭ ٶكٸلٸ فرانتسۋز مۇعالٸمٸن جاۋىزدىقپەن ٶلتٸرگەن. مۇعالٸم Charlie Hebdo جۋرنالىنىڭ مۇحاممەد پايعامبارعا سالعان كاريكاتۋراسىن سٶز بوستاندىعى تۋرالى ساباقتا وقۋشىلارعا مىسال رەتٸندە كٶرسەتكەن. فرانتسييا پرەزيدەنتٸ ماكرون مۇنداي كاريكاتۋرالارعا تىيىم سالۋعا قارسى شىقتى.
