الماتى وبلىسىندا جوعالىپ كەتكەن ەسكەري ۇشاقتا وتىرعان ەكيپاج مٷشەسٸنٸڭ جاقىندارى قازاقستاندىقتارعا ٷندەۋ جاسادى, دەپ حابارلايدى Dalanews.kz.
25 شٸلدە كٷنٸ الماتى وبلىسىنداعى سوربۇلاق ماڭىندا ەس-145 ەسكەري تٸكۇشاعى ٷش ەكيپاج مٷشەسٸمەن بٸرگە جوعالىپ كەتتٸ.
"ولاردىڭ قاتارىندا بٸز ٷشٸن اسا جاقىن ەرٸ قادٸرلٸ ادام بار. بٸز, بەگٸموۆتەر ەۋلەتٸ, ەكيپاج مٷشەسٸ ەرجٸگٸتوۆ باحتيياردىڭ تۋىستارىمىز. مەن, بەگٸموۆا گٷلدەن, بٷكٸل وتباسىمىزدىڭ اتىنان وسى قايعىلى جاعدايعا قوعام مەن رەسمي ورگانداردىڭ نازارىن اۋدارۋعا شىن جٷرەكتەن ٶتٸنٸش بٸلدٸرەمٸن. تٸكۇشاقتىڭ جوعالعانىنا بٸراز ۋاقىت ٶتتٸ, الايدا وسى كٷنگە دەيٸن وتباسىمىزعا ناقتى مەلٸمەت تە, رەسمي تٷسٸنٸكتەمە دە بەرٸلگەن جوق. بٸز ەر مينۋتتى ۋايىممەن ٶتكٸزٸپ جاتىرمىز", - دەيدٸ گٷلدەن بەگٸموۆا.
ونىڭ سٶزٸنشە, ەكيپاج مٷشەلەرٸنٸڭ تۋىستارى قازٸرگٸ ۋاقىتتا مٷلدەم بەيحابار وتىر.
"جوعالعان ازاماتتاردى ٷيدە بالالار, اتا-انالار, جۇبايلارى كٷتٸپ وتىر. بٸز ٸزدەستٸرۋ ايماعىندا نە بولىپ جاتقانىن, قانداي نەتيجە بارىن, ولاردىڭ امان-ەسەن ەكەنٸن بٸلمەيمٸز. سٸزدەن (بلوگەر تەڭٸربەرگەن بەردوڭعاروۆتان) ەل الدىندا بەدەلٸ بار, ازاماتتىق ۇستانىمى بار ادام رەتٸندە وسى مەسەلەنٸ جارييا تٷردە كٶتەرٸپ, بولعان جاعدايدى جارييالاۋعا جەردەم بەرۋدٸ سۇرايمىز. بٸز مٷمكٸن ەمەستٸ سۇراپ وتىرعان جوقپىز, تەك شىندىقتى بٸلگٸمٸز كەلەدٸ. سٸزدٸڭ قولداۋىڭىزبەن بٸزدٸڭ داۋسىمىز ەستٸلەدٸ دەپ سەنەمٸز", - دەيدٸ ۆيدەو اۆتورى.
ٸزدەستٸرۋ-قۇتقارۋ جۇمىستارىنا جەكە قۇرامنان 200-گە جۋىق ادام, 40 بٸرلٸك تەحنيكا, 15 سۋ كٶلٸگٸ, 4 كينولوگييالىق ەسەپتوپ جەنە 2 تجم ەۋە كەمەسٸ تارتىلعان.
