Almaty oblysynda joǵalyp ketken áskeri ushaqta otyrǵan ekipaj múshesiniń jaqyndary qazaqstandyqtarǵa úndeý jasady, dep habarlaidy Dalanews.kz.
25 shilde kúni Almaty oblysyndaǵy Sorbulaq mańynda ES-145 áskeri tikushaǵy úsh ekipaj múshesimen birge joǵalyp ketti.
"Olardyń qatarynda biz úshin asa jaqyn ári qadirli adam bar. Biz, Begimovter áýleti, ekipaj múshesi Erjigitov Bahtiiardyń týystarymyz. Men, Begimova Gúlden, búkil otbasymyzdyń atynan osy qaiǵyly jaǵdaiǵa qoǵam men resmi organdardyń nazaryn aýdarýǵa shyn júrekten ótinish bildiremin. Tikushaqtyń joǵalǵanyna biraz ýaqyt ótti, alaida osy kúnge deiin otbasymyzǵa naqty málimet te, resmi túsinikteme de berilgen joq. Biz ár minýtty ýaiymmen ótkizip jatyrmyz", - deidi Gúlden Begimova.
Onyń sózinshe, ekipaj músheleriniń týystary qazirgi ýaqytta múldem beihabar otyr.
"Joǵalǵan azamattardy úide balalar, ata-analar, jubailary kútip otyr. Biz izdestirý aimaǵynda ne bolyp jatqanyn, qandai nátije baryn, olardyń aman-esen ekenin bilmeimiz. Sizden (bloger Táńirbergen Berdońǵarovtan) el aldynda bedeli bar, azamattyq ustanymy bar adam retinde osy máseleni jariia túrde kóterip, bolǵan jaǵdaidy jariialaýǵa járdem berýdi suraimyz. Biz múmkin emesti surap otyrǵan joqpyz, tek shyndyqty bilgimiz keledi. Sizdiń qoldaýyńyzben bizdiń daýsymyz estiledi dep senemiz", - deidi video avtory.
Izdestirý-qutqarý jumystaryna jeke quramnan 200-ge jýyq adam, 40 birlik tehnika, 15 sý kóligi, 4 kinologiialyq eseptop jáne 2 TJM áýe kemesi tartylǵan.
