بۇل تۋرالى ەۋرازييا تەلەارناسى حابارلادى.
ەڭ سوراقىسى, سول شايتان جولىنداعى جىنىستىق جيحادقا بارعاندار اراسىندا ٶزٸمٸزدٸڭ قارا كٶزدەر دە جەتەرلٸك.
دايشقا قويداي تٸزٸپ, قازاق قىزدارىن كٸم اپارىپ جاتىر ەكەن?!
سىرتقا شىقپاي-اق, ەل ٸشٸندە سەكسجيحاد جاساپ جٷرگەندەر بار. تٷرمەدە وتىرعان «احي», «برات»-قا ۋاقىتشا نەكەلەسٸپ, ەلگٸلەر قىزدىڭ قىزىعى تاۋسىلعاسىن تالاق ايتادى ەكەن.
ال بويجەتكەن بەيشارا, تٷرمە-تٷرمەنٸ گاسترولدەتٸپ ارالاپ شىعادى ەكەن دەگەندٸ دە ەستٸپ قاپ جاتىرمىز. ۇناسا ٷيلەنٸپ, از كٷن ويناستان سوڭ تاستاي سالۋ نەمەسە ەيەلدەرٸن بٸر-بٸرٸنە حادييا, سىي دەپ بەرە سالۋ قازٸر سالافيزم, سول سەكٸلدٸ ٶزگە جاماعاتتاردا قاتتى بەلەڭ الىپ تۇر.
بٸر جىلدا 10 رەت كٷيەۋگە شىققاندار جايلى دا, دەرەكتەر بار. بۇل بەلەكەت جەزٶكشەلٸكتٸ دٸنمەن اقتاۋ ەمەس پە?!
"دجيحاد دەگەندە, ەكٸ تەرمين بٸر-بٸرٸنە سەيكەس كەلمەيتٸن دٷنيەلەر. ەشقاشان دجيحاد جىنىستىق باعىتتا بولمايدى"
- دەيدٸ دٸنتانۋشى كەڭشٸلٸك تىشقان.
سيريياعا كەتٸپ جاتقان ەشبٸر قىز جەزٶكشە بولام, سودىرلاردىڭ نەپسٸسٸن قاناعاتتاندىرام دەپ بارىپ جاتقان جوق. كٶپشٸلٸگٸ الدانىپ, ەلەۋمەتتٸك جەلٸدەگٸ جارناماعا سەنٸپ قاپ بارىپ جاتىر.
«مەنٸڭ ەسٸمٸم نارگيز. مەنٸڭ سورىم فەيسبۋكتە تانىمايتىن جٸگٸتتٸڭ دوستىعىن قابىلداعانىمنان باستالدى. باسىندا, ٶمٸر جايلى, وتباسى تۋرالى ەدەمٸ-ەدەمٸ سٶزدەر ايتتى. قاراسام, سۇلۋ كٶزٸندە ازداپ مۇڭ بار. ايتۋىنشا دٸن جولىندا قان كەشٸپ, سوعىستا جٷر ەكەن» - دەيدٸ سودىرلار تۇتقىنىندا بولعان كەلٸنشەك نارگيز.
«ەدەتتە ول جەي عانا جاساندى تۇلعا. ەلەۋمەتتٸك جەلٸدەگٸ سۋرەتتەرٸ ونىكى بولماۋى دا مٷمكٸن. تارتىمدىلىعى ٷشٸن باسقا فوتولار قويىلادى.
سٶيتٸپ قىز بالا, ٶزٸنٸڭ سەزٸمٸنە ەلٸتٸپ, سٶيلەسٸپ جٷرگەن ادامىنا بارىپ جار بولامىن دەپ, كٶبٸندە وسىنداي ويمەن كەتەدٸ.
بٸراق, ولار بۇل جاعدايدا ەركٸمگە قولجاۋلىق بولام دەپ ويلامايدى. كٶپ جاعدايدا قىزدار ناقتى بٸر تۇلعالارمەن تانىسىپ, ادال جارى بولامىز دەپ بارادى» - دەيدٸ دٸنتانۋشى اينۇر ەبدٸراسىلقىزى.
سٶيلەسكەن جٸگٸتٸن ٸزدەپ كەلگەندە, ونداي ادام ٶمٸردە مٷلدەم جوق بوپ شىعادى! قىزدى سودىرلار قاتىن-قالاش تولى جاتاقحاناعا تىققان. ول جەر تۋرا بوردەل سەكٸلدٸ. بٸر جٷنباس كەلەدٸ, سوعان نەكەلەپ جٸبەرەدٸ. ول سورلى, قىلجييا قالسا, تاعى بٸر ساقالدىعا تۇرمىسقا شىعارادى. وسىلاي, بٸر جىلدا ون-ون بەس ەركەكتٸڭ «ەيەلٸ» بولاسىڭ!
«بٸزدٸ قولدان قولعا لاقتىردى. بٸر سودىردان سوڭ, ەكٸنشٸسٸ ەنشٸلەپ الىپ جاتتى. باتىر, ساربازدىڭ جارى بولام دەگەن قييالىمنىڭ بىت-شىتى شىقتى. ٶزٸمدٸ كەدٸمگٸ جەزٶكشە سەزٸندٸم. سالداقىدان بار ارتىقشىلىعىم قيىلعان نەكەم شىعار? بٸراق, 7-8 كٷيەۋ كٶرۋدٸڭ جەزٶكشەدەن نە ايىرماسى بار?» - دەيدٸ دەيدٸ سودىرلار تۇتقىنىندا بولعان كەلٸنشەك نارگيز.
ٶزبەك قىزى نارگيزدٸڭ ايتۋىنشا, جەلٸك سەزٸمگە الدانىپ, سوڭىرا سودىرلاردىڭ لاگەرٸندە جەزٶكشەنٸڭ كٷنٸن كٶرٸپ جاتقان قازاق قىزدارى كٶپ دەيدٸ. جە, الىستاعى سيرييانى قويشى! ٶز ەلٸمٸزدە, قارا كٶز قارىنداستاردى الداپ, ٷيلەنٸپ اپ, سوسىن تۋرا جەزٶكشەدەي بٸر-بٸرٸنە سىيلاپ جٸبەرەتٸندەر كٶبەيٸپ بارادى...
«اناما ايتۋدىڭ قاجەتتٸلٸگٸ جوق. ول كٸسٸلەردٸڭ كۋەگەر بولۋى, رۇقسات بەرۋٸ قاجەت ەمەس دەدٸ. سٶيتٸپ اناما ايتپاي, نەكەمدٸ قيدىردىم. كەيٸن ساباققا بارۋدى دا دوعاردىم. بٷكٸل ەسٸم سول بالادا بولدى» - دەيدٸ نازيرا ەسٸمدٸ كەلٸنشەك.
اتا-اناما ايتقاندا, بۇلاي بولماس ەدٸ,-دەپ جىلاپ وتىر.
بٸراق, سەكتانتتىڭ دەنٸ قىزبەن نەكەلەسۋ رەسٸمٸنە اتا-اناسىن قاتىستىرماۋعا بارىن سالادى. كەرەك بولسا, ەكەڭ دە, شەشەڭدە ناماز وقىمايدى. ولار كەپٸر. كەپٸردٸڭ رۇقساتى كەرەك ەمەس,-دەپ, بەزٸلدەيدٸ.
«ەڭ بٸرٸنشٸدەن, اتا-اناسى ٶزٸنٸڭ قىزىن دۇرىس ادامعا نەكەلەستٸرگٸسٸ كەلەدٸ. ەكٸنشٸدەن, وعان بٸر ارنايى توي جاساپ, رەسٸم ٶتكٸزٸپ, تۋعان-تۋىس شاقىرىپ, جارييا قىلعىسى كەلەدٸ» - دەيدٸ دٸنتانۋشى كەڭشٸلٸك تىشقان.
اتا-انانىڭ بۇل شارتى بٸرەر اپتا ويناپ, تالاق قىلا سالام دەپ تۇرعان سەكتانتقا قولايسىز. سول سەبەپتٸ عوي, ەكەسٸن دە, شەشەسٸن دە جولاتپاۋعا تىرىساتىنى.
جە, ٷلكەندەردٸڭ رۇقساتىنسىز ٷيلەنٸپ العان سوڭ ارى قارايعىسى بەلگٸلٸ عوي. مىڭ جىلدىق قۇدالىق جاسالمايدى, قالىڭ بەرٸلمەيدٸ, قۇدا كٷتٸسپەيدٸ. بولاشاق شاڭىراققا جاۋاپكەرشٸلٸك ارتىپ, ەل-جۇرتتىڭ اماناتىن جٷكتەۋدٸ ماقسات تۇتقان مۇنداي جورالعىلار اتقارىلماعان سوڭ, جاۋاپكەرشٸلٸكسٸز قۇرىلعان وتباسىنىڭ ويران بولۋى دا, سۇراۋسىز الىنعان قىزدىڭ تالاق بولۋى دا وپ-وڭاي. سولاي بولادى دا!!!
قايىن جۇرت ٷشٸن ٷنسٸز, تٶركٸن ٷشٸن قۇنسىز نەكە «تالاق» دەگەن جالعىز سٶزبەن تارس ايىرىلىپ كەتە بارادى. پاناسىز قالعان قارىنداستى تاعى بٸرٸ نەكەلەپ الادى. كەلەسٸ تالاققا دەيٸن...
«وسىندايدىڭ سالدارىنان بٸز تٸپتٸ, 7-8-13 رەتكە دەيٸن تۇرمىسقا شىعىپ, بٸرنەشە بالانىڭ اناسى بولعان, قاي بالاسىن كٸمنەن تۋعانىن بٸلمەيتٸن قىزداردى دا كٶرٸپ وتىرمىز» - دەيدٸ دٸنتانۋشى اينۇر ەبدٸراسىلقىزى.
بٸرەر جىلدا 7-8 كٷيەۋ اۋىستىرۋ? ول بىلاي بولادى. دٸنگە قىزىققان جاس قىزدى, سەكتانتتار ٶز توبىنا تارتادى. ناماز ٷيرەتكەن بولادى. سوسىن, «سەن قىز بالاسىڭ, بويداق جٷرۋ حارام» دەپ, نەكەلەسۋگە ٷندەيدٸ. ٶزدەرٸنٸڭ ارنايى دايىنداپ قويعان جٸگٸتٸنە جاپسىرادى. ول بٸراز ويناعان سوڭ, تالاق قىلادى. توپتان شىعارماس ٷشٸن, جۇباتقان بوپ, تاعى بٸرەۋٸ جاقىندايدى. نە كەرەك, ول دا كٶندٸرەدٸ. سٶيتٸپ, قاراكٶز قارىنداستى بٸر-بٸرٸنە لاقتىرىپ, قاقپاقىل ەتەدٸ. ٶزدەرٸنشە مۇنى ۋاقىتشا نەكە. بۇل دٸندە بار,-دەپ اقتالادى.
«بٸر كٷنٸ ەر ادام, حەزٸرەتتٸ وماردان ۋاقىتشا نەكە جايىندا سۇرايدى. سوندا ۋاقىتشا نەكە تۋرالى سۇراعاندا, حەزٸرەتتٸ وماردىڭ قالاي جاۋاپ بەرگەنٸن بٸلەسٸز بە?! ول جىميعان جوق, كٷلگەن جوق. كەرٸسٸنشە قاتتى اشۋلاندى. سٶيتٸپ, اللانىڭ اتىمەن انت ەتەيٸن, پايعامباردىڭ دەۋٸرٸندە بٸز زيناقور جەنە ازعىن بولمادىق دەپ, قاتتى جاۋاپ بەرەدٸ. ەندٸ بايقاپ قاراساڭىز, بۇل جەردە ۋاقىتشا نەكە زيناقورلىقپەن تەڭەستٸرٸلٸپ تۇر, كەرەك بولسا» - دەيدٸ دٸنتانۋشى جالعاس ساندىبايۇلى.
«بٸزدٸڭ نەكە تۋرالى قاسيەتتٸ ۇعىمدارىمىز بەن جەتٸم-جەسٸر تٷسٸنٸكتەرٸ مەسەلەسٸن مٷلەم ويىنشىققا اينالدىرىپ جٸبەردٸ.
اينالىپ كەلگەندە زارداپ شەگەتٸن بٸر عانا نەرسە- ول قىزدىڭ تاعدىرى. ٶيتكەنٸ ول ەرتەڭ قانشا كٷيەۋگە شىعا بەرەدٸ?
ارى بولسا 3-4 بالا جەتەكتەيدٸ, ارى قاراي دالادا قالادى. ال ودان كەيٸن ونى قوعامعا بەيٸمدەپ كٶرٸڭٸز. ودان كەيٸن ونىڭ بالا-شاعاسىن تەربيەلەپ كٶرٸڭٸز. سوندىقتان ول مەملەكەت ٷشٸن, جاپپاي بەلەڭ الىپ كەتتٸ دەپ ايتۋ قيىن, بٸراق ٷلكەن تراگەديياعا اينالىپ بارا جاتقان جاعدايى بار» - دەيدٸ دٸنتانۋشى كەڭشٸلٸك تىشقان.
نە ٸستەۋ كەرەك?! ەڭ ەۋەلٸ, ەركٸم ٶز ەۋلەتٸنە يە بولۋى كەرەك. قىزىڭىزبەن كٶبٸرەك, ۇزاعىراق ەڭگٸمەلەسٸڭٸز. ول اقىل-كەڭەستٸ بٸرەۋدەن ەمەس, ەكەسٸ, اناسىنان سۇراۋ كەرەك. ويىن, مازالاعان مەسەلەسٸن سٸزگە ايتۋى كەرەك. سوندا, سەكتادان ساق بولاسىز. سونداي-اق, بٸر-بٸرٸنە ەيەلدەرٸن قاقپاقىل قىلعىش قىلعىشتاردان قورعانۋدىڭ ەڭ وزىق تەسٸلٸ دەستٷرٸمٸز بەن حانافي مەزحابىمىز.
https://www.youtube.com/watch?v=kL7rz_OT_t4
