Bul týraly Eýraziia telearnasy habarlady.
Eń soraqysy, sol shaitan jolyndaǵy jynystyq jihadqa barǵandar arasynda ózimizdiń qara kózder de jeterlik.
DAIShqa qoidai tizip, qazaq qyzdaryn kim aparyp jatyr eken?!
Syrtqa shyqpai-aq, el ishinde seksjihad jasap júrgender bar. Túrmede otyrǵan «ahi», «brat»-qa ýaqytsha nekelesip, álgiler qyzdyń qyzyǵy taýsylǵasyn talaq aitady eken.
Al boijetken beishara, túrme-túrmeni gastroldetip aralap shyǵady eken degendi de estip qap jatyrmyz. Unasa úilenip, az kún oinastan soń tastai salý nemese áielderin bir-birine hadiia, syi dep bere salý qazir salafizm, sol sekildi ózge jamaǵattarda qatty beleń alyp tur.
Bir jylda 10 ret kúieýge shyqqandar jaily da, derekter bar. Bul báleket jezókshelikti dinmen aqtaý emes pe?!
"Djihad degende, eki termin bir-birine sáikes kelmeitin dúnieler. Eshqashan djihad jynystyq baǵytta bolmaidy"
- deidi dintanýshy Keńshilik Tyshqan.
Siriiaǵa ketip jatqan eshbir qyz jezókshe bolam, sodyrlardyń nápsisin qanaǵattandyram dep baryp jatqan joq. Kópshiligi aldanyp, áleýmettik jelidegi jarnamaǵa senip qap baryp jatyr.
«Meniń esimim Nargiz. Meniń sorym feisbýkte tanymaityn jigittiń dostyǵyn qabyldaǵanymnan bastaldy. Basynda, ómir jaily, otbasy týraly ádemi-ádemi sózder aitty. Qarasam, sulý kózinde azdap muń bar. Aitýynsha din jolynda qan keship, soǵysta júr eken» - deidi sodyrlar tutqynynda bolǵan kelinshek Nargiz.
«Ádette ol jái ǵana jasandy tulǵa. Áleýmettik jelidegi sýretteri onyky bolmaýy da múmkin. Tartymdylyǵy úshin basqa fotolar qoiylady.
Sóitip qyz bala, óziniń sezimine elitip, sóilesip júrgen adamyna baryp jar bolamyn dep, kóbinde osyndai oimen ketedi.
Biraq, olar bul jaǵdaida árkimge qoljaýlyq bolam dep oilamaidy. Kóp jaǵdaida qyzdar naqty bir tulǵalarmen tanysyp, adal jary bolamyz dep barady» - deidi dintanýshy Ainur Ábdirasylqyzy.
Sóilesken jigitin izdep kelgende, ondai adam ómirde múldem joq bop shyǵady! Qyzdy sodyrlar qatyn-qalash toly jataqhanaǵa tyqqan. Ol jer týra bordel sekildi. Bir júnbas keledi, soǵan nekelep jiberedi. Ol sorly, qyljiia qalsa, taǵy bir saqaldyǵa turmysqa shyǵarady. Osylai, bir jylda on-on bes erkektiń «áieli» bolasyń!
«Bizdi qoldan qolǵa laqtyrdy. Bir sodyrdan soń, ekinshisi enshilep alyp jatty. Batyr, sarbazdyń jary bolam degen qiialymnyń byt-shyty shyqty. Ózimdi kádimgi jezókshe sezindim. Saldaqydan bar artyqshylyǵym qiylǵan nekem shyǵar? Biraq, 7-8 kúieý kórýdiń jezóksheden ne aiyrmasy bar?» - deidi deidi sodyrlar tutqynynda bolǵan kelinshek Nargiz.
Ózbek qyzy Nargizdiń aitýynsha, jelik sezimge aldanyp, sońyra sodyrlardyń lagerinde jezóksheniń kúnin kórip jatqan qazaq qyzdary kóp deidi. Já, alystaǵy Siriiany qoishy! Óz elimizde, qara kóz qaryndastardy aldap, úilenip ap, sosyn týra jezókshedei bir-birine syilap jiberetinder kóbeiip barady...
«Anama aitýdyń qajettiligi joq. Ol kisilerdiń kýáger bolýy, ruqsat berýi qajet emes dedi. Sóitip anama aitpai, nekemdi qidyrdym. Keiin sabaqqa barýdy da doǵardym. Búkil esim sol balada boldy» - deidi Nazira esimdi kelinshek.
Ata-anama aitqanda, bulai bolmas edi,-dep jylap otyr.
Biraq, sektanttyń deni qyzben nekelesý rásimine ata-anasyn qatystyrmaýǵa baryn salady. Kerek bolsa, ákeń de, shesheńde namaz oqymaidy. Olar kápir. Kápirdiń ruqsaty kerek emes,-dep, bezildeidi.
«Eń birinshiden, ata-anasy óziniń qyzyn durys adamǵa nekelestirgisi keledi. Ekinshiden, oǵan bir arnaiy toi jasap, rásim ótkizip, týǵan-týys shaqyryp, jariia qylǵysy keledi» - deidi dintanýshy Keńshilik Tyshqan.
Ata-ananyń bul sharty birer apta oinap, talaq qyla salam dep turǵan sektantqa qolaisyz. Sol sebepti ǵoi, ákesin de, sheshesin de jolatpaýǵa tyrysatyny.
Já, úlkenderdiń ruqsatynsyz úilenip alǵan soń ary qaraiǵysy belgili ǵoi. Myń jyldyq qudalyq jasalmaidy, qalyń berilmeidi, quda kútispeidi. Bolashaq shańyraqqa jaýapkershilik artyp, el-jurttyń amanatyn júkteýdi maqsat tutqan mundai joralǵylar atqarylmaǵan soń, jaýapkershiliksiz qurylǵan otbasynyń oiran bolýy da, suraýsyz alynǵan qyzdyń talaq bolýy da op-ońai. Solai bolady da!!!
Qaiyn jurt úshin únsiz, tórkin úshin qunsyz neke «talaq» degen jalǵyz sózben tars aiyrylyp kete barady. Panasyz qalǵan qaryndasty taǵy biri nekelep alady. Kelesi talaqqa deiin...
«Osyndaidyń saldarynan biz tipti, 7-8-13 retke deiin turmysqa shyǵyp, birneshe balanyń anasy bolǵan, qai balasyn kimnen týǵanyn bilmeitin qyzdardy da kórip otyrmyz» - deidi dintanýshy Ainur Ábdirasylqyzy.
Birer jylda 7-8 kúieý aýystyrý? Ol bylai bolady. Dinge qyzyqqan jas qyzdy, sektanttar óz tobyna tartady. Namaz úiretken bolady. Sosyn, «sen qyz balasyń, boidaq júrý haram» dep, nekelesýge úndeidi. Ózderiniń arnaiy daiyndap qoiǵan jigitine japsyrady. Ol biraz oinaǵan soń, talaq qylady. Toptan shyǵarmas úshin, jubatqan bop, taǵy bireýi jaqyndaidy. Ne kerek, ol da kóndiredi. Sóitip, qarakóz qaryndasty bir-birine laqtyryp, qaqpaqyl etedi. Ózderinshe muny ýaqytsha neke. Bul dinde bar,-dep aqtalady.
«Bir kúni er adam, Háziretti Omardan ýaqytsha neke jaiynda suraidy. Sonda ýaqytsha neke týraly suraǵanda, Háziretti Omardyń qalai jaýap bergenin bilesiz be?! Ol jymiǵan joq, kúlgen joq. Kerisinshe qatty ashýlandy. Sóitip, allanyń atymen ant eteiin, Paiǵambardyń dáýirinde biz zinaqor jáne azǵyn bolmadyq dep, qatty jaýap beredi. Endi baiqap qarasańyz, bul jerde ýaqytsha neke zinaqorlyqpen teńestirilip tur, kerek bolsa» - deidi dintanýshy Jalǵas Sandybaiuly.
«Bizdiń neke týraly qasietti uǵymdarymyz ben jetim-jesir túsinikteri máselesin múlem oiynshyqqa ainaldyryp jiberdi.
Ainalyp kelgende zardap shegetin bir ǵana nárse- ol qyzdyń taǵdyry. Óitkeni ol erteń qansha kúieýge shyǵa beredi?
Ary bolsa 3-4 bala jetekteidi, ary qarai dalada qalady. Al odan keiin ony qoǵamǵa beiimdep kórińiz. Odan keiin onyń bala-shaǵasyn tárbielep kórińiz. Sondyqtan ol memleket úshin, jappai beleń alyp ketti dep aitý qiyn, biraq úlken tragediiaǵa ainalyp bara jatqan jaǵdaiy bar» - deidi dintanýshy Keńshilik Tyshqan.
Ne isteý kerek?! Eń áýeli, árkim óz áýletine ie bolýy kerek. Qyzyńyzben kóbirek, uzaǵyraq áńgimelesińiz. Ol aqyl-keńesti bireýden emes, ákesi, anasynan suraý kerek. Oiyn, mazalaǵan máselesin sizge aitýy kerek. Sonda, sektadan saq bolasyz. Sondai-aq, bir-birine áielderin qaqpaqyl qylǵysh qylǵyshtardan qorǵanýdyń eń ozyq tásili dástúrimiz ben hanafi mázhabymyz.
https://www.youtube.com/watch?v=kL7rz_OT_t4
