Memleket basshysy «Alataý qalasynyń arnaýly quqyqtyq rejimi týraly» Qazaqstan Respýblikasynyń Konstitýtsiialyq zańyna qol qoidy, dep habarlaidy dalanews.kz.
Konstitýtsiialyq zańnyń negizgi maqsaty – Alataý qalasynyń qarqyndy ári ornyqty damýy úshin jaǵdai jasaý.
Qalanyń erekshe quqyqtyq mártebesine sai innovatsiialar, investitsiialar jáne ekonomikalyq ósim úshin qolaily orta qurýǵa baǵyttalǵan derbes ekojúieni qalyptastyrýdy kózdeitin túbegeili jańa tásilder qoldanylady.
Konstitýtsiialyq zańǵa sáikes, qalany memlekettik basqarýdyń jańa modeli engizildi. Atap aitqanda, kásipkerlik, keden isi, tsifrlyq aktivter, qumar oiyndary, áleýmettik sala, qarjy naryǵy, arhitektýra men qala qurylysy, ekologiia ári qorshaǵan ortany qorǵaý, mádeniet, sport jáne taǵy basqa salalardy retteýdiń negizgi qaǵidalary belgilendi.
«Alataý rezidenti» quqyqtyq mártebesi bekitildi. Arnaýly mártebeni ákimshilik birqatar sanat boiynsha jeke jáne zańdy tulǵalarǵa beredi. Arnaiy rejimniń qoldanylý kólemi men tiisti quqyqtar, mindetter men talaptar osy rezident mártebesine qarai anyqtalady.
Shahardyń uzaq merzimdi investitsiialyq jáne tehnologiialyq órkendeýi strategiialyq qujattar negizinde qamtamasyz etiledi. Naqty aitqanda, Alataý qalasynyń uzaq merzimdi damý jospary, master-jospary jáne damytý strategiiasy qabyldanady.
Alataý qalasynyń qaýipsizdigin, sondai-aq «aqyldy qala» retinde tiimdi jumys isteýi men damýyn qamtamasyz etý maqsatynda infraqurylym nysandary men qoǵamdyq qaýipsizdikti qamtamasyz etý júieleriniń barlyq deregi biryńǵai tsifrlyq basqarý platformasyna biriktiriledi.
Sonymen qatar qalanyń investitsiialyq klimaty men investorlarǵa beriletin kepildikteri, salyq-biýdjet saiasaty, dizainy men jer qatynastary atalǵan konstitýtsiialyq zań aiasynda retteledi.
Konstitýtsiialyq zańnyń mátini baspasózde jariialanady.
