Almatynyń Medeý aýdanyndaǵy kei aýmaqta 12–16 mamyr aralyǵynda gaz berý ýaqytsha toqtatylady, dep habarlaidy dalanews.kz.
«QAZAQGAZ AIMAQ» kompaniiasynyń málimetinshe, bul jańadan salynǵan gaz qubyrlaryn qoldanystaǵy jelilerge qosý jumystaryna bailanysty.
Gaz Kóktóbe shaǵynaýdany, Dostyq dańǵyly, Armianskaia jáne Táttimbet kósheleri aýmaǵynda ýaqytsha óshiriledi.
Sonymen qatar jumys kezinde kei kóshelerde kólik qozǵalysyna ishinara shekteý engizilýi múmkin. Atap aitqanda, J. Omarova kóshesinde Táttimbet kóshesi qiylysy mańynda jáne Lýganskii kóshesinde Armianskaia kóshesinen ál-Farabi dańǵyly boiyndaǵy kópirge deiingi aralyqta qozǵalys shekteledi.
Kompaniia jańa jelilerdi qosý bul aýdandaǵy gazben jabdyqtaý júiesiniń turaqtylyǵy men senimdiligin arttyratynyn málimdedi.
Turǵyndardan ýaqytsha qolaisyzdyqqa túsinistikpen qaraý suraldy.
