الدىمەن جوبانىڭ ىسكە اسىرىلۋ كەزەڭدەرى مەن الداعى جوسپارلارى تانىستىرىلدى. كومپانيا وكىلدەرىنىڭ ايتۋىنشا، قۇنى 27،7 ملرد. تەڭگەلىك جوبانى قارجىلاندىرۋعا «قازاقستاننىڭ دامۋ بانكى» اق-نىڭ قاراجاتى مەن «قدب-ليزينگ» اق-نىڭ قارجىلىق ليزينگى تارتىلعان. ال 10،4 ملرد. تەڭگەسى – مەنشىكتى كاپيتال، ياعني نىسانعا سالىنعان ينۆەستيسيا.
ءوز كەزەگىندە كاسىپورىننىڭ ىسكە قوسىلۋىنا جەرگىلىكتى اتقارۋشى بيلىك قولداۋ ءبىلدىرىپ،«بيزنەستىڭ جول كارتاسى – 2020» باعدارلاماسى ارقىلى جوعارى ۆولتتى جەلىلەردىڭ قۇرىلىسىنوبلىستىق بيۋدجەتتەن 233 ملن. تەڭگەگە قارجىلاندىرعان.
سالتاناتتى جيىندا كوپشىلىكتى ماڭىزدى نىساننىڭ اشىلۋىمەن ۇكىمەت باسشىسىنىڭ ورىنباسارى جەڭىس قاسىمبەك قۇتتىقتادى:
– الماتى وبلىسىندا ەلەكتر ەنەرگياسىنىڭ تاپشىلىعى بار. سوندىقتان بۇگىن ىسكە اسىرىلىپ وتىرعان ءىرى جوبانىڭ ماڭىزى زور دەپ ەسەپتەيمىن. بۇل جوبا اينالاسى ءبىر جىلدىڭ ىشىندە ىسكە قوسىلدى. جالپى ەلىمىزدە «ەكسپو – 2017» كورمەسى بالامالى ەنەرگەتيكا جوبالارىنىڭ قارقىندى جۇزەگە اسىرىلۋىنا زور سەرپىن بەردى. بۇگىنگى كۇنى رەسپۋبليكادا 70-تەن استام ەلەكتر وندىرەتىن نىسان بار. سونىڭ 20-دان استامى الماتى وبلىسىندا. بۇل جاعىنان وبلىس كوشباسشى سانالادى. قازىرگى كەزدە قازاقستاندا 800 مۆت ەلەكتر قۋاتى جاڭارتىلعان ەنەرگيا كوزدەرىنەن الىنىپ وتىر. الداعى ۋاقىتتا وسىنداي 5 نىسان اشۋ جوسپارلانعان. ءبىزدىڭ كاسىپكەرلەر كۇن ەلەكتر ستانساسىن ىسكە قوسۋعا بار كۇش-جىگەرىن سالدى. ۇكىمەت تاراپىنان دا قاجەتتى قولداۋ شارالارى كورسەتىلدى. وسىنداي جوبالاردىڭ ارقاسىندا ەلىمىزدە وندىرىلەتىن ەلەكتر ەنەرگياسىنداعى جەك ۇلەسى 3%-عا، ال 2030 جىلعا قاراي 10%-عا جەتەتىن بولادى. وسى جوباعا اتسالىسقان ازاماتتاردىڭ بارىنە العىس ايتامىن، – دەدى ج.قاسىمبەك.
وبلىس اكىمى اماندىق باتالوۆ بيلىك پەن بيزنەستىڭ ءوزارا ىنتىماقتاسا جۇمىس ىستەۋى زور ناتيجەلەر بەرىپ وتىرعانىن، بۇگىنگى نىساننىڭ اشىلۋى سونىڭ ءبىر ايعاعى ەكەنىن ايتتى.
– الماتى وبلىسى ەكونوميكانىڭ بارلىق باعىتىندا جاقسى دامىپ كەلەدى، يندۋستريالدى ايماقتار قۇرىلىپ، جاڭا نىساندار اشىلۋدا. جاڭادان ىسكە قوسىلعان ءىرى كاسىپورىنداردىڭ بارلىعى قولجەتىمدى ەلەكتر قۋاتىن قاجەت ەتەدى. بۇگىنگى اشىلىپ وتىرعان كۇن ەلەكتر ستانساسى وبلىستى ەلەكتر قۋاتىمەن قامتاماسىز ەتۋگە ۇلەس قوساتىن ماڭىزدى نىسان بولماق. بۇل – سولتۇستىك-وڭتۇستىك ەلەكتر تاراتۋ جەلىسىنىڭ بويىندا تۇرعان ءىرى نىسان. سونىمەن بىرگە جوبانىڭ جۇزەگە اسىرىلۋى جاڭا جۇمىس ورىندارىنىڭ اشىلۋىنا، بيۋدجەتكە سالىق ءتۇسىمىنىڭ جانە وڭىرگە تارتىلعان ينۆەستيسيا كولەمىنىڭ ارتۋىنا سەپتىگىن تيگىزەدى. ونىڭ ناتيجەسى وبلىس ەكونوميكاسىنا وڭ ىقپال ەتىپ، يگىلىگىن حالىق كورەدى. وسى ىستەگى سەرىكتەستەرىمىزگە ريزاشىلىعىمدى بىلدىرەمىن. بيلىك پەن بيزنەستىڭ بىرىگىپ جۇمىس ىستەۋى ءوز جەمىسىن بەرىپ وتىر، – دەدى ا. باتالوۆ.
«ENEVERSE KUNKUAT» كومپانياسىنىڭ قۇرىلتايشىلارى بولات ءابىلوۆ پەن وراز جاندوسوۆ كورسەتىلگەن مەملەكەتتىك قامقورلىققا ريزاشىلىعىن ايتىپ، قارجىلاي قولداۋ كورسەتكەن، ستانسا قۇرىلىسىن جۇرگىزگەن كومپانيالارعا، قۇرىلىسشى-جۇمىسشىلارعا العىستارىن جەتكىزدى.
رەسمي قوناقتار كۇن ەلەكتر ستانساسىنىڭ سيمۆوليكالىق تەتىگىن باسىپ، ىسكە قوستى.
سول سياقتى وسى شارادا كومپانيا وكىلدەرى قاپشاعاي قالاسىنىڭ الەۋمەتتىك نىساندارىن دامىتۋعا 250 ملن. تەڭگەنىڭ سەرتيفيكاتىن سىيعا تارتتى. بۇل رەتتە كەلەسى جىلى قاپشاعاي قالاسىنىڭ 50 جىلدىعى وتەتىنىن اتاپ ءوتۋ كەرەك.
ەسكە سالساق، كۇن ەلەكتر ستانساسىنىڭ «Nurǵısa 100 مۆت Solar Park Qapshaǵaı» دەگەن اتاۋى بەلگىلى كومپوزيتور نۇرعيسا تىلەندييەۆتىڭ قۇرمەتىنە قويىلعان. جوبا جىل سايىن 160 ملن. كۆت/ساع ەلەكتر ەنەرگياسىن وندىرەدى. كەس اتموسفەراعاسو2 شىعارىندىلارىن جىلىنا 150 مىڭ تونناعا ازايتادى.
كەس-تىڭ اۋماعى 400 گەكتاردى الىپ جاتسا، جوبانىڭ 1ء-شى كەزەڭى 274 گەكتاردا ورنالاسقان. ستانسادا جالپى سانى 303 مىڭ پانەل ورناتىلادى. نىساننىڭ 1ء-شى كەزەگىنىڭ قۋاتى 100 مۆت بولسا، تولىق قۋاتىنا شىققاندا 150 مۆت ەلەكتر قۋاتىن وندىرەتىن بولادى.
كەس-تى سالۋعا 11 وتاندىق مەردىگەر كومپانيا قاتىسقان. ولاردىڭ اراسىندا «امانات»، «اسپمك-519»، «نازار ەنەردجي»، «تەنگيزستروي» جانە باسقا دا كومپانيالار بار. ستانسيا قۇرىلىسىن جۇرگىزۋدە جەرگىلىكتى تۇرعىنداردان 500-دەن استام ادام جۇمىس ىستەدى. نىسان ىسكە قوسىلعاندا 35 ادامدى جۇمىسپەن قامتيدى.
الماتى وبلىسى اكىمىنىڭ باسپا ءسوز قىزمەتى
