وبلىس باسشىسى ا. باتالوۆ الدىمەن وبلىستىق كٶپسالالى بالالار اۋرۋحاناسىنىڭ جانىنان سالىنعان قوسالقى عيماراتتىڭ قۇرىلىسىمەن تانىستى. ٶتكەن جىلدىڭ مامىر ايىندا باستالعان عيماراتتىڭ قۇرىلىسى بٷگٸندە تولىعىمەن اياقتالعان. قازٸر مۇندا ەڭ وزىق ٷلگٸدەگٸ مەديتسينالىق قۇرال-جابدىقتار ورناتىلۋدا. بۇل عيمارات بالالار نەوناتالدىق حيرۋرگييا بٶلٸمٸ رەتٸندە قىزمەت كٶرسەتپەك. مامانداردىڭ ايتۋىنشا, بۇل جاڭا بٶلٸم نەرەستە ٶلٸمٸن ازايتۋعا, تٷرلٸ اقاۋلارمەن دٷنيەگە كەلگەن سەبيلەرگە وتا جاساۋ ارقىلى ٶمٸرٸن ساقتاپ قالۋعا مٷمكٸندٸك بەرەدٸ.
عيماراتتاعى پالاتالاردى, جان ساقتاۋ, تاڭۋ جەنە باسقا دا بٶلمەلەردٸ ارالاپ كٶرگەن وبلىس ەكٸمٸ اماندىق باتالوۆ ولاردا ورناتىلىپ جاتقان مەديتسينالىق قۇرال-جابدىقتاردىڭ, جيھازداردىڭ ساپاسىنا نازار اۋدارىپ, كەرەۋەتتەردٸ اۋىستىرۋدى تاپسىردى.
مۇنان سوڭ ورتالىق الاڭداعى فونتانداردى جٶندەۋ مەن جاڭا فونتاندار ورناتۋ ٸسٸمەن, ونىڭ ٸرگەلەس الاڭىنداعى جۇمىستارمەن تانىستى. جەتٸسۋدىڭ جەتٸ ٶزەنٸن بەينەلەيتٸن جەتٸ سۋبۇرقاقتىڭ قۇرىلىس جۇمىستارىمەن «اسات قۇرىلىس» مەكەمەسٸ اينالىسۋدا.
سونىمەن قاتار الاڭنىڭ اينالاسى اباتتاندىرىلىپ, مۇندا ٶسٸمدٸكتٸڭ 200-گە جۋىق تٷرٸ وتىرعىزىلاتىن بولادى. بۇل كٶركەيتۋ جۇمىسىنا «Polesie» جشس كٸرٸسٸپ جاتىر. سەرٸكتەستٸك ديرەكتورى ەلەنا چەرنەتسكايا وبلىس باسشىسىنا كٶگالداندىرۋ بويىنشا اتقارىلاتىن جۇمىستى بايانداپ بەردٸ.
تەۋەلسٸزدٸك كٶشەسٸ, 124 ٷيدٸڭ اباتتاندىرىلعان اۋلاسىنا بارعان وبلىس ەكٸمٸ ا.باتالوۆ مۇنداعى كٶپتەگەن كەمشٸلٸكتەردٸ كٶرسەتٸپ بەردٸ. اۋلا قورشاۋىنىڭ قوڭىرمەن, فۋتبول الاڭى قورشاۋىنىڭ كٶكپەن بويالۋى كٶزگە بٸردەن وعاش كٶرٸنەدٸ. ال ورناتىلعان ورىندىق پەن قوقىس جەشٸكتەرٸنٸڭ ساپاسى دا كٶڭٸل كٶنشٸتپەيدٸ. فۋتبول الاڭىنىڭ ٸشكٸ تٶسەمەلەرٸنە قاتىستى دا وبلىس ەكٸمٸ تاراپىنان سىن ايتىلدى. جاسالعان ەسكەرتپەلەر نەگٸزٸندە مەردٸگەر كومپانييا جۇمىستى قايتا جاسايتىن بولادى.
الماتى وبلىسى ەكٸمٸنٸڭ باسپاسٶز قىزمەتٸ
