وليمپيادانىڭ نەگىزگى ۇيىمداستىرۋشىلارى – «ەلباسى اكادەمياسى» كورپوراتيۆتىك قورى. جوبا ەلباسى تۇڭعىش پرەزيدەنت قورى مەن «ەلباسى اكادەمياسى» كورپوراتيۆتى قورىنىڭ «ەل ءۇمىتى» تالانتتى جاستاردى انىقتاۋ جانە قولداۋ جونىندەگى باستاماسى شەڭبەرى اياسىندا ىسكە اسىرىلۋدا.
اتالعان دوداعا رەسپۋبليكا بويىنشا 5 مىڭ بالا قاتىسسا، الماتى وبلىسىنان 812 جاس دارىن باعىن سىناعان. ءبىلىم باسەكەسىندە وقۋشىلاردىڭ فۋنكسيونالدىق ساۋاتتىلىق پەن ابستراكتىلى – لوگيكالىق ويلاۋ داعدىلارى سىنالدى.
ءبىرىنشى كەزەڭ سىرتتاي ءوتىپ، ماتەماتيكا، جاراتىلىستانۋ، ينفورماتيكا، قازاق، ورىس جانە اعىلشىن تىلدەرى پاندەرى بويىنشا ۇلگەرىمدەرىن باعالادى.
تالدىقورعان قالاسىنداعى نازاربايەۆ زياتكەرلىك مەكتەبىنىڭ بازاسىندا 92 بىلىمگەر، الماتى قالاسىنداعى فيزيك-ماتەماتيكالىق نازاربايەۆ زياتكەرلىك مەكتەبىنىڭ جانە حيميا-بيولوگيالىق باعىتتاعى نازاربايەۆ زياتكەرلىك مەكتەبىنىڭ بازاسىندا 473 وقۋشى سىناق تاپسىردى.
زياتكەرلىك سايىس بارلىق سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ وتكىزىلدى.
شالعاي اۋداندارداعى ءبىلىم مەكەمەلەرىندە ماسەلەن، اقسۋ اۋدانىندا ساتبايەۆ اتىنداعى مەكتەپتە، الاكول اۋدانى ءۇشارال ورتا مەكتەبىندە، بالقاش اۋدانىندا ب. بەيسەكبايەۆ اتىنداعى مەكتەپتە، كەگەن اۋدانىندا №1 كەگەن ورتا مەكتەبىندە، پانفيلوۆ اۋدانىندا ى.التىنسارين ورتا مەكتەبىندە، ۇيعىر اۋدانىندا №4 شونجى ورتا مەكتەبىندە ارنايى تەستىلەۋ پۋنكتتەرى قىزمەت ەتتى. وسىلايشا وبلىستىڭ تۇكپىر-تۇكپىرىندەگى دارىندى 247 بالا زياتكەرلىك سايىسقا قاتىسىپ، وزدەرىن كورسەتۋگە مۇمكىندىك الدى.
ايتا كەتەيىك، وليمپيادا قورىتىندىسى بويىنشا، رەسپۋبليكادان 5 جانە 6 سىنىپتارىن بىتىرگەن 1000 جەڭىمپاز وقۋشىسى ءوز بىلىمدەرىن «ءبىلىم-يننوۆاسيا ليسەيى»، رەسپۋبليكالىق فيزيكا-ماتەماتيكا مەكتەبى جانە «دارىن» سياقتى دارىندى بالالارعا ارنالعان جەتەكشى مەكتەپتەردە ءارى قاراي جالعاستىرادى.
وليمپيادادا جەڭىمپاز اتانعان رەسپۋبليكا بويىنشا 1000 وقۋشىسىنىڭ ءتىزىمى www.fnn.kz سايتىندا ەكىنشى كەزەڭنەن وتكەن سوڭ، 14 كۇندە جاريالانادى. ءدال وسى سايتتا وليمپيادا جەڭىمپازدارى دارىندى بالالارعا ارنالعان مامانداندىرىلعان مەكتەپتەردىڭ بىرىنە ءوتىنىش بەرە الادى.
