Olimpiadanyń negizgi uiymdastyrýshylary – «Elbasy akademiiasy» korporativtik qory. Joba Elbasy Tuńǵysh Prezident Qory men «Elbasy Akademiiasy» korporativti qorynyń «El úmiti» talantty jastardy anyqtaý jáne qoldaý jónindegi bastamasy sheńberi aiasynda iske asyrylýda.
Atalǵan dodaǵa respýblika boiynsha 5 myń bala qatyssa, Almaty oblysynan 812 jas daryn baǵyn synaǵan. Bilim básekesinde oqýshylardyń fýnktsionaldyq saýattylyq pen abstraktili – logikalyq oilaý daǵdylary synaldy.
Birinshi kezeń syrttai ótip, matematika, jaratylystaný, informatika, qazaq, orys jáne aǵylshyn tilderi pánderi boiynsha úlgerimderin baǵalady.
Taldyqorǵan qalasyndaǵy Nazarbaev Ziiatkerlik mektebiniń bazasynda 92 bilimger, Almaty qalasyndaǵy fizik-matematikalyq Nazarbaev Ziiatkerlik mektebiniń jáne himiia-biologiialyq baǵyttaǵy Nazarbaev Ziiatkerlik mektebiniń bazasynda 473 oqýshy synaq tapsyrdy.
Ziiatkerlik saiys barlyq sanitarlyq-epidemiologiialyq talaptardy qatań saqtai otyryp ótkizildi.
Shalǵai aýdandardaǵy bilim mekemelerinde máselen, Aqsý aýdanynda Sátbaev atyndaǵy mektepte, Alakól aýdany Úsharal orta mektebinde, Balqash aýdanynda B. Beisekbaev atyndaǵy mektepte, Kegen aýdanynda №1 Kegen orta mektebinde, Panfilov aýdanynda Y.Altynsarin orta mektebinde, Uiǵyr aýdanynda №4 Shonjy orta mektebinde arnaiy testileý pýnktteri qyzmet etti. Osylaisha oblystyń túkpir-túkpirindegi daryndy 247 bala ziiatkerlik saiysqa qatysyp, ózderin kórsetýge múmkindik aldy.
Olimpiadada jeńimpaz atanǵan respýblika boiynsha 1000 oqýshysynyń tizimi www.fnn.kz saitynda ekinshi kezeńnen ótken soń, 14 kúnde jariialanady. Dál osy saitta olimpiada jeńimpazdary daryndy balalarǵa arnalǵan mamandandyrylǵan mektepterdiń birine ótinish bere alady.
