الماتى وبلىسىندا وسى جىلدىڭ 20 ساۋىرىندەگى مالىمەت بويىنشا، ينفەكسياعا قارسى ۆاكسينانىڭ ءى كومپونەنتىن 101 477 ادام سالعىزعان، تاعى 10 432 ادام ءىى كومپونەنتىن الدى. بۇل تۋرالى الماتى وبلىسىنىڭ باس سانيتار دارىگەرى ەرعالي سىدىمانوۆ ايتتى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ. 

ءوڭىردىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا، ۆاكسينانىڭ ءى كومپونەنتىن سالدىرعانداردىڭ 17 مىڭنان استامى – مەديسينالىق ماماندار، 25 مىڭدايى – پەداگوگتار، سول سياقتى ۋچاسكەلىك پوليسيالار، ستۋدەنتتەر، مەديسينالىق-الەۋمەتتىك مەكەمەلەردىڭ قىزمەتكەرلەرى، مەملەكەتتىك قىزمەتشىلەر جانە ت.ب. بار.

ءىى كومپونەنتىن 7298 مەديسينا مامانى، 2801 پەداگوگ، سول سياقتى ۋچاسكەلىك پوليسيالار، مەملەكەتتىك قىزمەتشىلەر جانە باسقالار سالدىردى. 

ە.سىدىمانوۆتىڭ ايتۋىنشا، وڭىردە ۆاكسينادان كەيىنگى كەرى اسەر مەن اسقىنۋلار تىركەلمەگەن.

اتاپ وتسەك، الماتى وبلىسىندا 239 ەگۋ پۋنكتى، 134 كوشپەلى بريگادا جۇمىس ىستەيدى. ءار پۋنكت 7 مىڭنان استام ادامدى قابىلداي الادى.