جەتٸسۋ ٶڭٸرٸنەن ۇلى وتان سوعىسىنداعى مايدان دالاسىنا 120 مىڭنان استام ادام اتتانىپ, ونىڭ 47 مىڭى ۇرىس دالالارىندا مەڭگٸلٸككە كٶز جۇمدى. جەتٸسۋلىق 38 جاۋىنگەر كەڭەس وداعىنىڭ باتىرى اتانسا, 5-ەۋٸ داڭق وردەنٸنٸڭ تولىق يەگەرٸ, 58-ٸ ٸٸ, ٸٸٸ دەرەجەلٸ داڭق وردەنٸنٸڭ يەگەرٸ اتاندى. وسى جەنە باسقا دا قۇندى دەرەكتەر جەتٸسۋدا وبلىس ەكٸمدٸگٸنٸڭ قولداۋىمەن جەڭٸستٸڭ 80 جىلدىعىنا وراي جارىق كٶرگەن «ۇرپاققا ۇران بولعان ۇلى جەڭٸس» اتتى كٸتاپتا كەڭٸنەن جازىلىپ كٶرسەتٸلگەن,- دەپ حابارلايدى Dalanews.kz
تالدىقورعانداعى سالتانات سارايىندا ٶتكەن كەزدەسۋ بارىسىندا «ۇرپاققا ۇران بولعان ۇلى جەڭٸس» اتتى جاڭا جيناق تانىستىرىلدى.
اتاپ ٶتسەك, وبلىستىق مەملەكەتتٸك ارحيۆ قۇراستىرعان جيناق 5 بٶلٸمنەن تۇرادى. بٸرٸنشٸ بٶلٸمدە جەتٸسۋدان شىققان كەڭەس وداعىنىڭ باتىرلارى مەن «داڭق» وردەنٸ يەگەرلەرٸنٸڭ ٶمٸرٸ مەن ەرلٸگٸ تۋرالى مەلٸمەتتەر بەرٸلگەن. ەكٸنشٸ بٶلٸمدە وبلىستىڭ اۋدان-قالالارىنان جيناقتالعان 939 ارداگەردٸڭ تٸزٸمٸ مەن سۋرەتتەرٸ باسىلسا, ٷشٸنشٸ بٶلٸم تىلداعى ٶنەركەسٸپ, مەكەمەلەر مەن اۋىل شارۋاشىلىعى ەڭبەككەرلەرٸنٸڭ جەڭٸسكە جەتۋ جولىنداعى ەرەن ەڭبەگٸ مەن اۋىر ٶمٸرٸ جايلى سىر شەرتەدٸ. تٶرتٸنشٸ بٶلٸمگە ارحيۆتە مەملەكەتتٸك ساقتاۋدا تۇرعان جەكە تەكتٸك قور قۇجاتتارىنان قولجازبالار, ساقتالعان جاۋىنگەرلٸك حاتتار, ەستەلٸك جازبالار ت.ب. قۇجاتتار ەنگٸزٸلدٸ. سونىمەن قاتار ورتالىق مەملەكەتتٸك ارحيۆتە, ورتالىق مەملەكەتتٸك عىلىمي تەحنيكالىق قۇجاتتاما ارحيۆٸندە ساقتالعان جەتٸسۋ ٶڭٸرٸنەن اتتانعان جاۋىنگەرلەر تۋرالى قۇندى قۇجاتتار دا جيناقتان تىس قالعان جوق. بەسٸنشٸ بٶلٸم ارحيۆتٸك فوتوقۇجاتتار توپتاماسىنان تۇرادى.
- ارحيۆ – قاشاندا قۇندى قۇجاتتار قازىناسى. ول جاي ساقتالىپ قانا قويماي, ۇرپاقتىڭ ٶز تاريحى مەن تۇلعالارىن تانۋىنا قىزمەت ەتۋٸ تيٸس. سوندىقتان ۇلى جەڭٸستٸڭ 80 جىلدىعى قارساڭىندا وتان سوعىسى كەزەڭٸنٸڭ شەجٸرەسٸن شەرتەتٸن, جەڭٸستٸ جاقىنداتقان جاۋجٷرەك باتىرلار جايلى جيناق دايىنداۋدى جٶن كٶردٸك. ارحيۆ ماتەريالدارى 6 اي بويى جيناقتالدى. بۇل جۇمىسقا وبلىستىق ارحيۆ قىزمەتكەرلەرٸ تٷگەلگە دەرلٸك تارتىلدى. جيناقتى ارحيۆ قۇجاتتارىنا, جاۋىنگەرلەردٸڭ حاتتارىنا, سوعىستى ٶز كٶزٸمەن كٶرگەن مايدانگەرلەردٸڭ ەستەلٸكتەرٸنە سٷيەنە وتىرىپ قۇراستىردىق. بۇل ەڭبەكتٸ بولاشاق ۇرپاقتار دا وقىپ, پايدالانادى دەپ ويلامىن, - دەيدٸ جەتٸسۋ وبلىسىنىڭ مەملەكەتتٸك ارحيۆٸنٸڭ ديرەكتورى گٷلجيحان يستامبەكوۆا.
اتاپ ٶتسەك, كٸتاپ 1 مىڭ دانامەن جارىق كٶردٸ, الداعى ۋاقىتتا ٶڭٸردٸڭ بارلىق كٸتاپحانالارى مەن ارحيۆتەرٸنە تاراتىلادى دەپ جوسپارلانىپ وتىر.
