ەگىس ناۋقانى الدىندا جەتىسۋ وبلىسى اۋىل شارۋاشىلىعى داقىلدارىنىڭ ەگىستىككە قاجەتتى تۇقىم كولەمىمەن قامتاماسىز ەتىلگەن.
ونىڭ كولەمى 56،2 مىڭ توننانى قۇرايدى، سونىڭ ىشىندە 1،8 مىڭ تونناسى ەليتالىق، 54،4 مىڭ تونناسى جوعارى رەپرودۋكسيالى تۇقىم.
مۇنداعى وتاندىق تۇقىمداردىڭ ۇلەسى 13% قۇرادى. اعىمداعى جىلى وڭىردەگى اۋىل شارۋاشىلىعى داقىلدارىنىڭ ەگىستىك القابى 1،9 مىڭ گەكتارعا ارتىپ، 519 مىڭ گەكتارعا جەتكىزىلدى.
وبلىستىق اۋىل شارۋاشىلىعى باسقارماسىنىڭ مالىمەتىنە سايكەس، ەگىستىك القاپتارىن ءارتاراپتاندىرۋ جوسپارى اياسىندا باسىمدىق بەرىلەتىن داقىلداردىڭ، اتاپ ايتقاندا قانت قىزىلشاسىنىڭ كولەمى 2 ەسەگە، جۇگەرى – 15%، كوكونىستەر مەن كارتوپتىڭ كولەمى 2%-عا ءوستى.
– ءوڭىردىڭ اتتەستاتتالعان تۇقىم شارۋاشىلىقتارى 6،3 مىڭ توننا ەليتالىق جانە جوعارى ءونىمدى ماساقتى ءداندى داقىلدار تۇقىمىن، 941 توننا جۇگەرى تۇقىمىن، 5 توننا قانت قىزىلشاسى تۇقىمىن، 14 توننا كۇنباعىس تۇقىمىن ازىرلەيدى جانە ول تۇقىمداردى اۋىل شارۋاشىلىعى تاۋار وندىرۋشىلەرىنە سورتتى جاڭارتۋ ءۇشىن وتكىزەدى.
سونداي-اق، 4 اتتەستاتتالعان تۇقىم ساتۋشى شارۋاشىلىقتاردىڭ وتىنىمدەرىنە سايكەس ولاردى قاجەتتى شەتەلدىك تۇقىمدارمەن قامتاماسىز ەتەدى.
سونداي-اق، الداعى ۋاقىتتا كارتوپ تۇقىمدارى مەن بۇرشاق داقىلدارىن ءوندىرۋدى ۇلعايتۋ باعىتىندا جاڭا تۇقىم شارۋاشىلىقتارىنىڭ قىزمەتىن دامىتۋ جوسپارلانۋدا، – دەپ اتاپ ءوتتى وبلىستىق اۋىل شارۋاشىلىعى باسقارماسىندا.
ايتا كەتسەك، اعىمداعى جىلدىڭ 5 ايىندا وڭىردەگى اۋىل شارۋاشىلىعىنىڭ جالپى ءونىم كولەمى 70،4 ملرد تەڭگەگە جەتتى، نكي – 101،5%. جالپى، جىل قورىتىندىسى بويىنشا بۇل كورسەتكىشتى 544 ملرد تەڭگەگە دەيىن جەتكىزۋ جوسپارلانۋدا.
بۇل رەتتە اعىمداعى جىلى وبلىستىڭ اۋىل شارۋاشىلىعى سالاسىن دامىتۋعا بيۋدجەتتەن 45،6 ملرد تەڭگە ءبولىندى.
