جەتىسۋ وبلىسى توتەنشە جاعدايلار دەپارتامەنتىندە قۇرىلىمدىق، ۆەدومستۆولىق جانە اۋماقتىق بولىمشەلەردىڭ باسشىلارى مەن ينسپەكتورلارىنىڭ قاتىسۋىمەن سەمينار-كەڭەس ءوتتى. كەزدەسۋ «ازاماتتىق قورعاۋ ورگاندارىنداعى سىبايلاس جەمقورلىققا قارسى كۇرەس جانە قوعامدا زاڭ مەن ءتارتىپ يدەولوگياسىن ىلگەرىلەتۋ جونىندەگى 2025–2030 جىلدارعا ارنالعان تۇجىرىمداما» تاقىرىبىنا ارنالدى،- دەپ حابارلايدى Dalanews.kz
ءىس-شارانى ازاماتتىق قورعاۋ پولكوۆنيگى، دەپارتامەنت باستىعىنىڭ ءبىرىنشى ورىنباسارى ا. ورازالينوۆ اشىپ، الدىن الۋ مادەنيەتىن كۇشەيتۋ، كادرلىق ءتارتىپ پەن قىزمەتتىك ادەپ تالاپتارىن مۇلتىكسىز ساقتاۋ — قاۋىپسىزدىك سالاسىنداعى سەنىمنىڭ باستى شارتى ەكەنىن اتاپ ءوتتى. ول سونداي-اق ءار بولىمشەنىڭ ىشكى باقىلاۋ تەتىكتەرىن جەتىلدىرۋ، تاۋەكەل ايماقتارىن دەر كەزىندە انىقتاۋ جانە اشىق كوممۋنيكاسيانى جۇيەلەۋ بويىنشا ناقتى مىندەتتەر قويدى.
ق ر مەملەكەتتىك قىزمەت ىستەرى اگەنتتىگىنىڭ جەتىسۋ وبلىسى بويىنشا دەپارتامەنتىنىڭ باس مامانى ن. سۇلەيمەنوۆ سىبايلاس جەمقورلىق تاۋەكەلدەرىن باعالاۋ ادىستەمەسىن، مۇددەلەر قاقتىعىسىن باسقارۋ، دەكلاراسيالاۋ مەن سىيلىقتار ەسەبى ءتارتىبىن ءتۇسىندىرىپ، پراكتيكالىق كەيستەر ۇسىندى. ال جەتىسۋ وبلىسى پوليسيا دەپارتامەنتىنىڭ جپب پوليسيا پودپولكوۆنيگى د. سماكوۆ قۇقىق بۇزۋشىلىقتاردىڭ الدىن الۋ، قىزمەتكەرلەردىڭ جاۋاپكەرشىلىگىن ارتتىرۋ جانە ازاماتتارمەن سەرىكتەستىك ورناتۋدىڭ قۇقىقتىق نەگىزدەرىنە توقتالدى.
تالقىلاۋ قورىتىندىسىندا قاتىسۋشىلار 2025–2030 جىلدارعا ارنالعان جول كارتاسىنىڭ جوباسىن ناقتىلادى: قۇندىلىققا نەگىزدەلگەن وقىتۋ مودۋلدەرىن ەنگىزۋ، ەتيكالىق ومبۋدسمەن ينستيتۋتىنىڭ جۇمىسىن جانداندىرۋ، «اشىق ەسىك» فورماتىنداعى كەزدەسۋلەردى تۇراقتى وتكىزۋ جانە ءانونيمدى كەرى بايلانىس ارنالارىن كەڭەيتۋ.
سەمينار-كەڭەس جەتىسۋ قۇتقارۋشىلارى ءۇشىن ادال قىزمەت پەن زاڭ ۇستەمدىگىنە نەگىزدەلگەن كورپوراتيۆتى مادەنيەتتى جۇيەلى تۇردە قالىپتاستىرۋدىڭ ماڭىزدى قادامى بولدى.
