جەتىسايدىڭ بالىعى شەتەلگە ەكسپورتتالۋدا

Dalanews 16 قىر. 2021 04:10 791

تۇركىستان وبلىسى، جەتىساي اۋدانىندا بالىق شارۋاشىلىعى دامۋدا. بۇگىندە جەتىسايدىڭ بالىعى ازەربايجان، گرۋزيا، يزرايل، رەسەي، جۇڭگو جانە وزبەكستان ەلدەرىنە ەكسپورتتالىپ، كاسىپكەرلەر تابىستارىن ارتتىرىپ كەلەدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

ماقتالى اۋىلدىق وكرۋگىنە قاراستى شولپانقۇدىق دەپ اتالاتىن شاعىن عانا اۋىلدا ورنالاسقان «سۇندەت» شارۋا قوجالىعى ءدوڭماڭداي (تولستولوب)، امۋر، سازان سىندى 1 ملن 300 دانا بالىق شاباقتارىن ءوندىرىپ، وسىرۋدە.

شاباقتارعا قاجەتتى جەمدى پولشا ەلىنەن الدىرادى.

شەكارا اسىپ كەلەتىن جەمنىڭ قۇرامىندا بالىقتى ءتۇرلى اۋرۋ-سىرقاۋدان ساقتايتىن جانە وسىپ-جەتىلۋىنە قاجەتتى بارلىق مينەرالدار بار دەيدى ماماندار.

مەملەكەت باسشىسى قاسىم-جومارت توقايەۆ وتكەن جىلعى حالىققا جولداۋىن جۇزەگە اسىرۋ اياسىندا مەملەكەت تاراپىنان اكۆاوسىرۋگە پايدالانىلاتىن ازىقتى ساتىپ الۋعا جۇمسالاتىن شىعىنداردىڭ 30%-ىن سۋبسيديالاۋ باعدارلاماسى بالىق شارۋاشىلىعىن دامىتۋعا وڭدى ىقپالىن تيگىزىپ كەلەدى.

ايتا كەتەيىك، مەملەكەتتىك قولداۋدان قالىس قالماعان ءوڭىردىڭ بالىق تاۋارىن وندىرۋشىلەرى ونىمدەرىن ازەربايجان، گرۋزيا، يزرايل، رەسەي، جۇڭگو جانە وزبەكستان ەلدەرىنە ەكسپورتتاپ، تابىستارىن ارتتىرىپ كەلەدى.

بۇگىندە جاساندى بالىق ءوسىرۋ بويىنشا ەلىمىزدە كوش باستاپ تۇرعان تۇركىستان وبلىسىندا تاۋارلى بالىق وسىرۋگە جارامدى 134 وزەن-كول بار. ونىڭ ىشىندە 88ء-ى جەرگىلىكتى ماڭىزى بار سۋ ايدىنى بالىق شارۋاشىلىعى ماقساتىندا تابيعات پايدالانۋشىلارعا بەرىلگەن.

ۇسىنىلعان
سوڭعى جاڭالىقتار