بيىل قازاقستان پوليتسيياسىنىڭ قۇرىلعانىنا 32 جىل تولىپ تۇر. وسى رەتتە جەتٸساي قالاسىنداعى «م.گوركيي» اتىنداعى №1 مەكتەپ-گيمنازيياسىندا ەل تەۋەلسٸزدٸگٸنٸڭ العاشقى جىلدارىندا بەيبٸت تۇرعىنداردىڭ تىنىشتىعىن كٷزەتۋدە ەرەن ەڭبەك ەتٸپ, ٸشكٸ ٸستەر ورگاندارىندا قىزمەت اتقارۋ كەزٸندە قازا تاپقان پوليتسييا پولكوۆنيگٸ سەرٸكباەۆ ەبدٸعاپپار بەردٸقۇلۇلىنىڭ ەسٸمٸنە بەرٸلگەن «پوليتسييا سىنىبى» اشىلدى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
سىنىپتىڭ اشىلۋ سالتاناتىنا جەتٸساي اۋدانىنىڭ ەكٸمٸ سەرٸك مامىتوۆ پەن تٷركٸستان وبلىسى پوليتسييا دەپەرتامەنتٸ تەربيە جەنە كادر جۇمىسى باسقارماسىنىڭ باستىعى, پوليتسييا پولكوۆنيگٸ ماقسات اسقاروۆ, اۋداندىق بٸلٸم بٶلٸمٸنٸڭ باسشىسىنىڭ مٸندەتٸن ۋاقىتشا اتقارۋشى ادايبەكوۆ شوحان جولداسبەكۇلى مەن وبلىستىق ٸٸو جەنە ۇۇ ارداگەرلەر كەڭەسٸنٸڭ تٶراعاسى جانەدٸل قۇماربەكوۆ, اۋداندىق پوليتسييا بٶلٸمٸنٸڭ باستىعى پوليتسييا پولكوۆنيگٸ ساپاربەكوۆ اديلبەك ەبدٸرايمۇلى مەن اۋداندىق مەسليحات اپپاراتىنىڭ باسشىسى ساكەن دوسىموۆ, اۋداندىق ارداگەرلەر كەڭەسٸنٸڭ تٶراعاسى ايتباي ماحانبەت, ەبدٸعاپپار سەرٸكباەۆتىڭ وتباسى مەن اعايىن-تۋىستارى قاتىستى.
«وتاندى سٷيۋ – ٶز ەلٸنە ادال بەرٸلگەندٸك. وعان قالتقىسىز قىزمەت ەتۋ – ونىڭ مٷددەلەرٸ مەن قاۋٸپسٸزدٸگٸن قورعاۋ. وتاندى قورعاۋ ٸسٸنە ارداگەرلەرٸمٸزدٸڭ ٷلگٸسٸمەن ەرقاشان دايىن بولىپ, نامىس تۋىن جوعارى ۇستاۋ بارشامىزدىڭ مٸندەتٸمٸز. تەك قانا وڭتٷستٸك ٶڭٸرٸنە عانا ەمەس كٷللٸ رەسپۋبليكاعا, قالا بەردٸ الىس-جاقىن شەت ەلدەرگە قاپاش ەسٸمٸمەن تانىلعان ەبدٸعاپپار بەردٸقۇلۇلىنىڭ ەسٸمٸمەن اتالاتىن سىنىپتا بٸلٸم الاتىن وقۋشىلاردىڭ دا ناعىز ەلجاندى, ٸسكەر, جاڭاشىل بولىپ قالىپتاساتىنىنا كٷمەنٸم جوق» دەگەن اۋدان باسشىسى جاس پوليتسەيلەرگە كۋەلٸك تاپسىردى.
