جەتىسايدا «جايلى مەكتەپ» جوباسى اياسىندا 6 ءبىلىم ورداسى بوي كوتەرەدى

Dalanews اقپارات 11 اقپ. 2024 09:30 1984

تۇركىستان وبلىسىندا وتكەن جىلى جالپى مەملەكەت ەسەبىنەن قۇرىلىسى باستالعان 33 مەكتەپتىڭ 20-سى پايدالانۋعا بەرىلسە، ال 13 مەكتەپ بيىل  تاپسىرىلاتىن بولادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

«جايلى مەكتەپ» ۇلتتىق جوباسى اياسىندا 2023-2025 جىلدارى تۇركىستان  وبلىسىندلا 49 مىڭ وقۋشىعا شاقتالعان 63 مەكتەپتىڭ قۇرىلىسى جۇرگىزىلىپ، 2025-جىلعا دەيىن وڭىردە 96 ءبىلىم وشاعى بوي كوتەرەتىن بولادى. بۇل ەلىمىزدەگى ەڭ ۇلكەن كورسەتكىش.

«جايلى مەكتەپ» ۇلتتىق جوباسى مەملەكەت باس­شىسى قاسىم-جومارت توقايەۆتىڭ تاپسىر­ما­سى­مەن جۇزەگە اسىرىلۋدا. اتالعان جوبا اياسىندا بيىل جەتىساي اۋدانىندا 6 مەكتەپ سالىنادى.

اتاپ ايتساق، جەتىساي قالاسىنان 1500 ورىندىق، اسىقاتا كەنتىنەن 900 ورىندىق جانە ىنتىماق اۋىلدىق وكرۋگىنىڭ اقنيەت ەلدى مەكەنىنەن 600 ورىندىق مەكتەپتەردىڭ قۇرىلىسى وتكەن جىلى باستالسا، بيىلعى جىلى جەتىساي قالاسىنان 900 ورىندىق جانە ش.دىلدابەكوۆ اۋىلدىق وكرۋگىنىڭ قىزىلتاڭ ەلدى مەكەنىنەن 600 ورىندىق، قىزىلقۇم اۋىلدىق وكرۋگىنىڭ قىزىلقۇم ەلدى مەكەنىنەن 600 ورىندىق ءبىلىم وشاقتارىنىڭ قۇرىلىسى باستالىپ، 2025 جىلى قولدانىسقا تاپسىرىلادى دەپ كۇتىلۋدە.

پاندىك كابينەتتەرمەن، ونىڭ ىشىندە روبوتوتەحنيكا، كەڭ جولاقتى ينتەرنەت، جاڭا موديفيكاسيالانعان كابينەتتەرمەن جابدىقتالاتىن مەكتەپتەردە وقۋشىلاردىڭ ساپالى ءبىلىم الۋلارىنا، جوعارى جانە ءبىرىنشى ساناتتى مۇعالىمدەر قۇرامىنىڭ پايىزدىق ۇلەسىن، پەداگوگيكالىق قىزمەتكەرلەردىڭ بىلىكتىلىكتەرىن ارتتىرۋعا تولىقتاي جاعداي جاسالماق.

جەتىساي اۋدانىنىڭ اكىمى سەرىك مامىتوۆ «جايلى مەكتەپ» ۇلتتىق جوباسى اياسىندا قۇرىلىسى جۇرگىزىلىپ جاتقان ءبىلىم بەرۋ نىساندارىن ارالاپ، جۇمىستاردىڭ بارىسىمەن تانىستى.


ۇسىنىلعان
سوڭعى جاڭالىقتار
x