سوڭعى جىلدارى جەكە كاسىپكەرلىك سالاسىندا دامۋ بايقالادى. اۋداندىق كىرىستەر باسقارماسىنىڭ مالىمەتىنە سۇيەنسەك، بۇرىنعى ىرىلەنگەن ماقتارال اۋدانىندا 16 بازار، 3 ءىرى ساۋدا ورتالىعى، 17 تويحانا جانە 10 مەيرامحانا مەن 36 كافە، سونداي-اق، 286 باسقا دا قوعامدىق تاماقتانۋ ورىندارى تىركەلگەن.
سونىڭ باسىم بولىگى جەتىساي اۋدانىنداعى قالا مەن كەنتتە ورنالاسقان.
قازىرگى تاڭدا جەتىساي اۋدانى اكىمىنىڭ تاپسىرماسىنا ساي ساۋدا بازارلارىندا قىزمەت ەتەتىن سالىق تولەۋشىلەردىڭ جەكە كاسىپكەر رەتىندە تىركەلۋىن جانە باقىلاۋ كاسسا ماشينالارى مەن POS تەرمينالدارىنىڭ بار-جوقتىعىنا تۇگەندەۋ جۇمىستارى جۇرگىزىلۋدە.
الداعى ۋاقىتتا جەرگىلىكتى اكىمشىلىك، قۇقىق قورعاۋ ورگاندارى، «نۇر وتان» پارتياسى، ۇلتتىق كاسىپكەرلەر پالاتاسى جانە پروكۋراتۋرا قىزمەتكەرلەرىنىڭ ۇيىمداستىرۋىمەن رەيدتىك تەكسەرۋ جۇمىستارى جوسپارلانۋدا. ويتكەنى 2019 جىلدىڭ 1 قاڭتارىنان باستاپ اشىق ساۋدا بازارلارىنىڭ اۋماعىنداعى ستاسيونارلىق ەمەس ساۋدا نىساندارىنداعى ساتۋشىلار باقىلاۋ كاسسا ماشيناسىن قولدانۋعا مىندەتتى بولادى.
