ساراپشى جەردٸڭ جەكەگە ساتىلۋىنا قارسى.
ونىڭ پٸكٸرٸنشە ٶنە-بويى جەمقورلانعان, بارماق باستى, كٶز قىستىعا ەبدەن بەيٸمدەلگەن, وليگارحييانىڭ ايتقانىمەن عانا جٷرٸپ-تۇراتىن قازٸرگٸ جٷيەدە جەردٸ جەكەمەنشٸككە بەرۋ اسا قاۋٸپتٸ.
بۇل تۇرعىدا سەتپاەۆ جەردٸڭ جەكەگە ساتىلۋىنا تاباندى قارسىلىق كٶرسەتٸپ, "جەر يەسٸ تەك مەملەكەت بولۋى تيٸس" دەگەن ۇستانىمداعى ساياساتكەر مۇحتار تايجاندى تولىق قولدايتىنىن ايتادى.
"پاراقورلىق قان-تامىرىنا ارالاسىپ كەتكەن, ونسىز بٸردە-بٸر مەملەكەتتٸك مەسەلەسٸ شەشٸلمەيتٸن, بٷكٸل ەكونوميكاسى وليگارحتاردىڭ "پاتشا كٶڭٸلٸنە" لايىقتالىپ قۇرىلعان مىنا جٷيەدە اۋىل شارۋاشىلىعىنداعى لاتيفۋنديستەردٸڭ پوزيتسيياسى ٶتە-مٶتە مىقتى. جەر تۋرالى زاڭدامادان تىرناق ۇشىنداي عانا ٸلٸك تاپسا, ولار بۇل مٷمكٸندٸكتٸ مٷلت جٸبەرمەيدٸ. ٶزدەرٸنٸڭ قولايىنا قاراي پايدالانىپ, ۇلانعايىر اۋماقتى پىشاق ٷستٸنەن بٶلٸسٸپ الادى", – دەيدٸ ول.
سەتپاەۆتىڭ ايتۋىنشا جەر تۋرالى جاڭا زاڭ جوباسى قابىلدانعان كٷننٸڭ ٶزٸندە لاتيفۋنديستەر مەن ولاردىڭ سويىلىن سوعاتىن توپ ٸزٸن جاسىرمايدى. سوندىقتان زاڭ جوباسىنداعى شيكٸلٸكتەر مەن كەمشٸلٸكتەردٸ كٷنٸ بۇرىن كٶرە بٸلٸپ, جەردٸ بٶلٸس-تارتىسقا سالعىسى كەلەتٸندەردٸڭ جولىن كەسۋ كەرەك.
...
بۇعان دەيٸن Dalanews.kz قازاقستان ازاماتىنا جەردٸ جەكەمەنشٸككە ساتۋعا قاتىستى 5 جىلعا موراتوريي جارييالانعانىن حابارلاعان.
جەر كوميسسيياسىنا جەتەكشٸلٸك ەتكەن ۆيتسە-پرەمەر ەرالى توعجانوۆتىڭ ايتۋىنشا جەرگە كەلگەندە اسىعىستىق جاساۋعا بولمايدى.
"قازٸر قانداي دا بٸر شەشٸم قابىلداۋعا, ەلدٸ جان-جاققا تارتۋعا ەش قاقىمىز جوق. سوندىقتان وسىنداي ورتاق شەشٸم قابىلدادىق", – دەدٸ توعجانوۆ.
مەجٸلٸس دەپۋتاتى ايدوس سارىمنىڭ ايتۋىنشا وسى ارالىقتا ەلدەگٸ ەلەۋمەتتٸك سالادا قوردالانعان پروبلەمالاردى شەشٸپ, جەر مەسەلەسٸنە ٷلكەن دايىندىقپەن جەنە مٷلدەم باسقا جاعدايدا ورالاتىن مٷمكٸندٸك بار.
ال ساياساتكەر مۇحتار تايجان موراتوريي تۋرالى شەشٸم قابىلدانباس بۇرىن جەر جەكەگە ساتىلار بولسا, ميتينگٸگە شىعۋعا ەزٸر ەكەنٸن ايتقان.
- يە, بٸز داۋىس بەرگەن كەزدە جەڭٸلۋٸمٸز مٷمكٸن. مۇنداي جاعدايدا مەن جالپى ۇلتتىق زاڭدى ميتينگ جارييالايمىن. بٷگٸنگٸ تاڭدا بۇعان زاڭ مٷمكٸندٸك بەرٸپ وتىر. بۇنداي جاعدايدا ەر قالا, ەر اۋىل جەر ٷشٸن شىعۋ كەرەك.
قالاي بولسا دا جەردٸ جەكە مەنشٸككە ساتۋعا جول بەرمەۋٸمٸز شارت. مۇندايعا جول بەرسەك, قازاقتىڭ بالاسى لاتيفۋنديستەردٸڭ قۇلدىعىنا مەڭگٸلٸككە باتىپ كەتەدٸ. ۇرپاق بٸزدٸڭ مۇنىمىزدى كەشٸرمەيدٸ, - دەپ جازعان ەدٸ ول ەلەمجەلٸدەگٸ پاراقشاسىندا.
