جاقىندا مەملەكەتتٸك ساتىپ الۋلار پورتالى ارقىلى سەتباەۆ ەكٸمدٸگٸ 78,5 ملن تەڭگەگە ەلەۋمەتتٸك سەريال تٷسٸرۋ تۋرالى كەلٸسٸم-شارت جاساسقانى بەلگٸلٸ بولدى. تاپسىرىس بٸر كٶزدەن, ەشقانداي كونكۋرسسىز "ErNar-Media" كومپانيياسىنا بەرٸلگەن. بۇل سەريال نەگٸزٸنەن جەمقورلىق پەن الاياقتىققا قارسى كٷرەستٸ ناسيحاتتاۋعا تيٸس ەدٸ. بۇل تۋرالى مەملەكەتتٸك ساتىپ الۋ تۋرالى زەرتتەيتٸن Goszakupturaly ارناسى جازدى, دەپ حابارلايدى Dalanews.kz.
مەلٸمەتكە سٷيەنسەك, كەلٸسٸم-شارتتىڭ نەگٸزٸ رەتٸندە ەكٸمدٸك "ينتەللەكتۋالدى مەنشٸك" دەگەن سەبەپتٸ العا تارتقان. بۇل نەگٸزدەمە مەملەكەتتٸك ساتىپ الۋ پروتسەسٸنٸڭ جابىق, كٷمەندٸ تٷردە ٶتۋٸنە مٷمكٸندٸك بەرٸپ وتىر. بٸراق تاپسىرىس بەرۋشٸ دەل قانداي ينتەللەكتۋالدى مەنشٸك نىسانى ەكەنٸن اشىپ كٶرسەتپەگەن.
"ErNar-Media" كومپانيياسى مەملەكەتتٸك ساتىپ الۋعا العاش رەت 2024 جىلى ناۋرىزدا قاتىسقان. وعان العاشقى تٸكەلەي تاپسىرىستى ۇلىتاۋ وبلىسىنىڭ قوعامدىق دامۋ باسقارماسى بەرگەن. بۇل كومپانييانىڭ ديرەكتورى ەركەبۇلان مولداشەۆ – ۇلىتاۋ وبلىسى مەسليحاتىنىڭ دەپۋتاتى, "AMANAT" پارتيياسىنىڭ مٷشەسٸ", - دەپ جازىلعان اقپاراتتا.
2024 جىلى شٸلدەدە سەتباەۆ قالاسىنىڭ ەكٸمٸ بولىپ مۇرات بٶرٸباەۆ تاعايىندالدى. بۇعان دەيٸن ول دا ۇلىتاۋ وبلىستىق مەسليحاتىنىڭ دەپۋتاتى بولعان. دەرەككە سٷيەنسەك, سەريال تٷسٸرەتٸن كومپانييانىڭ باسشىسى مەن قالا ەكٸمٸ – بۇرىنعى ەرٸپتەستەر.
"ايتا كەتەرلٸك تاعى بٸر جايت – كومپانييانىڭ زاڭدى يەسٸ ەركەبۇلان مولداشەۆ ەمەس. ول تەك كومپانييا باسشىسى رەتٸندە تٸركەلگەن. كومپانييانىڭ قۇرىلتايشىسى – باسقا ادام. بٸراق مەملەكەتتٸك ساتىپ الۋ پورتالى بويىنشا بۇل قۇرىلتايشىنىڭ سەريال ٶندٸرٸسٸمەن ەش قاتىسى جوق. ول بۇعان دەيٸن جارىقتاندىرۋ, اعاش بۇيىمدارىن جاساۋ, مەكتەپ عيماراتىن جٶندەۋ, تٷرلٸ تەحنيكالىق قۇرالداردى ساتۋمەن اينالىسقان. دەمەك كومپانييانىڭ يەسٸ مەن باسشىسىنىڭ اراسىندا ناقتى قانداي كەلٸسٸم بارى بەلگٸسٸز", - دەپ جازىلعان اقپاراتتا.
بۇل سەريال نەگە دەل وسى كومپانيياعا بەرٸلگەنٸ جايلى اشىق اقپارات جوق. مۇنداي جاعداي, ەرينە, قوعامدا ٷلكەن كٷدٸك پەن ساۋال تۋعىزادى.
ەسكە سالايىق, بۇعان دەيٸن باق-تا سەتباەۆتا دەپۋتاتتىڭ كومپانيياسى سەريال تٷسٸرۋگە 78,5 ملن تەڭگەلٸك تەندەر ۇتىپ العانى تۋرالى اقپارات تارادى.
