امەريكادا 300 ميلليون حالىق تۇرادى، ونىڭ ءبارى ءبىر تىلدە سويلەيدى. ەگەر ءبىر امەريكالىق جازۋشى ءوز كىتابىن ميلليون دانامەن شىعارسا دا ونى وتكىزۋ قيىن ەمەس. ءتىپتى، ءار داناسىن ءبىر دوللاردان ساتسا ءبىتتى، ول بىردەن ميلليونەر بولىپ شىعا كەلەدى.
ال، قازاق جازۋشىسى كەڭەس كەزىندەگى ەسەپ-قيساپقا ۇيرەنگەن، ولەڭ جازسا، ^ جولىمەن، كوركەم شىعارما جازسا، شارتتى باسپاتاباعىمەن سانايدى.
كەزىندە قادىر مىرزالييەۆ، تۇمانباي مولداعالييەۆ، ءازىلحان نۇرشايىقوۆتار قالاماقىنى كۇرەپ الىپ، ەڭ باي ادامداردىڭ ساناتىندا شالقىپ ءومىر ءسۇردى.
مەن ءقازىر مينيسترلىكتىڭ تاپسىرماسى بويىنشا، ءابدىجامىل نۇرپەيىسوۆتىڭ جەتى تومدىعىن جاساپ جاتىرمىن. ابەڭمەن كەلىسىم جاساۋ ءۇشىن ارادا قانداي اڭگىمە بولدى دەسەڭىزشى.
ول كىسى: «مەن كەزىندە ميلليونەر بولعام، «قان مەن تەرىم» 36 تىلگە اۋدارىلعان، سونىڭ اقشاسىنىڭ استىندا قالعام. ەندى ماعان جەتى تومدىعىم ءۇشىن 100 مىڭ دوللار بەر، سوندا عانا كەلىسىمگە قول قويامىن. كەزىندە لۋي اراگون مەنى بالزاكپەن سالىستىرعان، بالزاكتىڭ دەڭگەيىندەگى جازۋشىمىن، مەن ءوز باعامدى بىلەمىن» دەيدى.
سودان مەن ول كىسىگە: «اعا، ءسىز سول «قان مەن تەردى» جازىپ بولعان جىلى ۇيىقتاپ كەتىپسىز، ۇيىقتاعاندا قاتتى ۇيقىعا كەتىپسىز، سول ۇيقىدان ويانىڭىز... ءقازىر ەشكىمنىڭ كىتابىنا قالاماقى تولەنبەيدى. قالامگەرلەر ءوز كىتابىن ءوزى شىعارىپ، ءوزى ساتادى.
باياعى قاداعاڭ مەن تۇماعاڭنىڭ كەزىندەگىدەي 40-50 مڭ دانامەن كىتاپ شىعاراتىن ءداۋىر كەلمەسكە كەتتى. ءقازىر جازۋشى باسپاعا اقشا تولەيدى، سول ءۇشىن ءسىز 100 مىڭ دوللاردى ماعان 1 بەرىڭىز» دەدىم كەيىپ.
ابەكەڭ قازىرگى جاعدايدى بىلمەيدى، بىلگىسى دە كەلمەيدى. ءبارى باياعىداي دەپ ويلايدى. مەنىڭشە، مىنا زاماندا قولىنا قالام ۇستاپ، ادەبيەتكە ادال كىزمەت ەتىپ جۇرگەندەرگە ەسكەرتكىش قويۋ كەرەك. ولار تەگىن ەڭبەك ەتىپ ءجۇر...
تەمىرعالي كوپبايەۆ، «قازىعۇرت» باسپاسىنىڭ ديرەكتورى
ماقالا «قازاق ادەبيەتى» گازەتىنەن الىندى
