الماتىدا حالىقتىڭ الەۋمەتتىك وسال توپتارىنان 3 مىڭعا جۋىق بالا، جەتىم بالالار، سونداي-اق اتا-اناسىنىڭ قامقورلىعىنسىز قالعان بالالار قالا سىرتىنداعى جازعى ساۋىقتىرۋ لاگەرلەرىندە دەمالادى، – دەپ حابارلايدى Dalanews.kz..
20 ماۋسىمدا بالالار قونايەۆ قالاسىنداعى «بالداۋرەن»لاگەرىنە باردى. قاپشاعاي سۋ قويماسىنىڭ كوركەم سولتۇستىك جاعالاۋىندا «جانۇيا» مامانداندىرىلعان كەشەنىنىڭ ەرەكشە ءبىلىم بەرۋ قاجەتتىلىكتەرى بار 100 بالا جانە بوستاندىق اۋدانىنىڭ مەكتەپتەرىنەن 15 بالا دەمالۋدا.
سونداي-اق، جەتىسۋ اۋدانىنىڭ مەكتەپتەرىنەن 76 بالا جانە مەدەۋ اۋدانىنان 155 بالا Avat kids camp لاگەرىنە جىبەرىلدى. تۇركسىب اۋدانىنان كەلگەن 263 بالا قونايەۆ قالاسىنداعى Jellyfish Camp لاگەرىنە جىبەرىلدى. بۇعان قوسا، 7 شىلدەدە «جانۇيا» مامانداندىرىلعان كەشەنى تاربيەلەنۋشىلەرىنىڭ 80 بالاسى جانە «مەيىرىم» ومىرلىك قيىن جاعدايداعى بالالاردى قولداۋ ورتالىعىنىڭ 12 بالاسى Avat kids camp لاگەرىنە باردى.
قالعان بالالاردىڭ كەلۋى كەستە بويىنشا تامىز ايىنىڭ سوڭىنا دەيىن جۇزەگە اسىرىلادى.
بيىلعى جىلى الماتىدا 266 مىڭ بالانى جازعى دەمالىس كەزىندە دەمالىسپەن جانە جۇمىسپەن قامتۋ جوسپارلانۋدا. ساۋىقتىرۋ دەمالىسىمەن جەتىم بالالاردىڭ، ەرەكشە ءبىلىم بەرۋ قاجەتتىلىكتەرى بار اتا-اناسىنىڭ قامقورلىعىنسىز قالعان بالالاردىڭ، سونداي-اق از قامتىلعان جانە كوپبالالى وتباسىلاردىڭ بالالارى 100% قامتىلاتىن بولادى.
وقۋشىلار سارايىنىڭ «ورنەك» لاگەرىندە 3 ماۋسىمدا 900 بالا دەمالا الادى. بۇلار - «جانۇيا» مامانداندىرىلعان كەشەننىڭ تاربيەلەنۋشىلەرى، حالىقتىڭ الەۋمەتتىك وسال توپتارىنىڭ بالالارى، سونداي-اق كونكۋرستار مەن جارىستاردىڭ جەڭىمپازدارى.
