Almatyda halyqtyń áleýmettik osal toptarynan 3 myńǵa jýyq bala, jetim balalar, sondai-aq ata-anasynyń qamqorlyǵynsyz qalǵan balalar qala syrtyndaǵy jazǵy saýyqtyrý lagerlerinde demalady, – dep habarlaidy Dalanews.kz..
20 maýsymda balalar Qonaev qalasyndaǵy «Baldáýren»lagerine bardy. Qapshaǵai sý qoimasynyń kórkem soltústik jaǵalaýynda «Januia» mamandandyrylǵan kesheniniń erekshe bilim berý qajettilikteri bar 100 bala jáne Bostandyq aýdanynyń mektepterinen 15 bala demalýda.
Sondai-aq, Jetisý aýdanynyń mektepterinen 76 bala jáne Medeý aýdanynan 155 bala Avat kids camp lagerine jiberildi. Túrksib aýdanynan kelgen 263 bala Qonaev qalasyndaǵy Jellyfish Camp lagerine jiberildi. Buǵan qosa, 7 shildede «Januia» mamandandyrylǵan kesheni tárbielenýshileriniń 80 balasy jáne «Meiirim» ómirlik qiyn jaǵdaidaǵy balalardy qoldaý ortalyǵynyń 12 balasy Avat kids camp lagerine bardy.
Qalǵan balalardyń kelýi keste boiynsha tamyz aiynyń sońyna deiin júzege asyrylady.
Biylǵy jyly Almatyda 266 myń balany jazǵy demalys kezinde demalyspen jáne jumyspen qamtý josparlanýda. Saýyqtyrý demalysymen jetim balalardyń, erekshe bilim berý qajettilikteri bar ata-anasynyń qamqorlyǵynsyz qalǵan balalardyń, sondai-aq az qamtylǵan jáne kópbalaly otbasylardyń balalary 100% qamtylatyn bolady.
Oqýshylar saraiynyń «Órnek» lagerinde 3 maýsymda 900 bala demala alady. Bular - «Januia» mamandandyrylǵan keshenniń tárbielenýshileri, halyqtyń áleýmettik osal toptarynyń balalary, sondai-aq konkýrstar men jarystardyń jeńimpazdary.
