– "قازاقستاننىڭ دەموكراتيالىق پارتياسى" اتاۋىمەن جارنامالانعان ۇيىمعا قاتىستى باسقا دا فاكتىلەردى ازىرشە بىلاي ىسىرا تۇرىپ، مەن ءقازىر تەك جانبولات مامايدىڭ كوزگە ۇرىپ تۇرعان جانە ساياسي ساۋاتسىزدىق دەۋگە كەلەتىن ۇلكەن قاتەلىكتەرىنە قىسقاشا توقتالىپ كەتكەندى دۇرىس كوردىم، – دەيدى ول.
ءقۋانىشاليننىڭ ءتورت دالەلى مىناۋ ەكەن:
1. بۇل پارتيا قۇرىلماي جاتىپ، "ءبىز نۇر وتاندى تاس-تالقان ەتەمىز!"، "رەجيمنىڭ بىت-شىتىن شىعارامىز!" دەپ ۇرانداتقان ۇر دا جىق جالاڭ ءپوپۋليزمى، سەكىرمەي جاتىپ "ءاۋپ" دەۋى.
2. سالىستىرۋعا كەلمەيتىن جاعدايلاردى سالىستىرۋى.
ماسەلەن، "بىزدە پارتيالار نەعۇرلىم كوپ بولسا، قوعام ءۇشىن ول سوعۇرلىم جاقسى" دەي كەلە، مۇنى "قىرعىزستاندا 226 پارتيا تىركەلگەن، ونىڭ 20-سى بەلسەندى جۇمىس ىستەيدى" دەگەن ۋاجبەن "دالەلدەگىسى" كەلەدى. دەمەك، "ورتا ازياداعى دەموكراتيا ارالى" اتانعان، 6 پرەزيدەنتى اۋىسقان ەلدى قازاقستانمەن سالىستىرادى.
3. ماماي جۇكەيەۆتى ونىمەن ءبىراز ۋاقىت ءبىر پارتيانىڭ باسشىلىق قۇرامىندا بولعان مەندەي بىلمەيدى، ارينە. ال تولەگەن – وپپوزيسيا ىشىندە ناعىز "سۇرقاي كاردينال" بولعان ارامزا، ورگاننىڭ ادامى.
دەمەك، ونىڭ مەيلى ءتىپتى، جانبولات ايتقانداي، تەك "كەڭەسشى" عانا رەتىندە قاتىسۋىمەن قۇرىلعان پارتيا دا، ءسوز جوق، "سۇرقاي پارتيا" بولادى.
وكىنىشكە قاراي، جانبولاتتىڭ بۇدان دا باسقا شيكىلىكتەرى جەتىپ-ارتىلادى، ءبىراق ونىڭ مىنا تىرلىگى جالپى العاندا شيكى تىرلىك ەكەنىنە كوز جەتكىزۋ ءۇشىن وسى مىسالداردىڭ ءوزى-اق جەتكىلىكتى.
4. توقەتەرى – بۇل پارتيا قوسانوۆ-موسانوۆتار كومەگىمەن كوپشىلىكتىڭ ونسىز دا اشىتىپ جىبەرگەن ميىن ودان بەتەر اشىتىپ، جۇرتتى بيلىكپەن شىن كۇرەسۋشى جالعىز ۇيىم – قدت-دان باسقا جاققا بۇرىپ اكەتۋ ماقساتىندا عانا قۇرىلادى.
