– "Qazaqstannyń demokratiialyq partiiasy" ataýymen jarnamalanǵan uiymǵa qatysty basqa da faktilerdi ázirshe bylai ysyra turyp, men qazir tek Janbolat Mamaidyń kózge uryp turǵan jáne saiasi saýatsyzdyq deýge keletin úlken qatelikterine qysqasha toqtalyp ketkendi durys kórdim, – deidi ol.
Qýanyshálinniń tórt dáleli mynaý eken:
1. Bul partiia qurylmai jatyp, "Biz Nur Otandy tas-talqan etemiz!", "Rejimniń byt-shytyn shyǵaramyz!" dep urandatqan ur da jyq jalań popýlizmi, sekirmei jatyp "Áýp" deýi.
2. Salystyrýǵa kelmeitin jaǵdailardy salystyrýy.
Máselen, "Bizde partiialar neǵurlym kóp bolsa, qoǵam úshin ol soǵurlym jaqsy" dei kele, muny "Qyrǵyzstanda 226 partiia tirkelgen, onyń 20-sy belsendi jumys isteidi" degen ýájben "dáleldegisi" keledi. Demek, "Orta Aziiadaǵy demokratiia araly" atanǵan, 6 prezidenti aýysqan eldi Qazaqstanmen salystyrady.
3. Mamai Júkeevti onymen biraz ýaqyt bir partiianyń basshylyq quramynda bolǵan mendei bilmeidi, árine. Al Tólegen – oppozitsiia ishinde naǵyz "surqai kardinal" bolǵan aramza, organnyń adamy.
Demek, onyń meili tipti, Janbolat aitqandai, tek "keńesshi" ǵana retinde qatysýymen qurylǵan partiia da, sóz joq, "surqai partiia" bolady.
Ókinishke qarai, Janbolattyń budan da basqa shikilikteri jetip-artylady, biraq onyń myna tirligi jalpy alǵanda shiki tirlik ekenine kóz jetkizý úshin osy mysaldardyń ózi-aq jetkilikti.
4. Toqeteri – bul partiia qosanov-mosanovtar kómegimen kópshiliktiń onsyz da ashytyp jibergen miyn odan beter ashytyp, jurtty bilikpen shyn kúresýshi jalǵyz uiym – QDT-dan basqa jaqqa buryp áketý maqsatynda ǵana qurylady.
