مۇنى الدەكىمدەر قاساقانا جاساپ وتىر. جاسان زەكەيۇلىن اياقتان شالۋ ماقساتىندا ۇيىمداستىرىلعان. ولار ارام پيعىلدارىن ىسكە اسىرۋ ءۇشىن ايانىپ قالاتىن ەمەس.
انىعىندا، جاسان زەكەي ۇلى – جوعارى بىلىكتى مامان. حالىقارالىق «جاس-اي» مەديسينالىق ورتالىعىنىڭ باسشىسى، مەديسينا عىلىمدارىنىڭ دوكتورى، پروفەسسور. ۇلتىنا جاقىن ادام. قايىرىمدىلىق شارالارىن ءجيى وتكىزەدى. جاعدايى جۇتاڭ جاندارعا قول ۇشىن سوزىپ كەلەدى. تۇرمىسىن تىكتەي الماي جۇرگەندەرگە تەگىن مەديسينالىق قىزمەت كورسەتەدى.
جاسان زەكەي ۇلى مەديسينا سالاسىنىڭ ىلگەرىلەۋىنە سۇبەلى ۇلەس قوستى. ءقاۋىپتى ىندەت القىمنان العان تۇستا جۇزدەگەن ادامنىڭ ءومىرىن اراشالاپ قالدى. مىنە، وسىنداي ادال جاننىڭ ار-نامىسى اياققا تاپتالىپ جاتىر. بەدەلىنە نۇقسان كەلتىرۋدە.
گۇليا ءاليحان قىزى الەۋمەتتىك جەلىدە تاراتقان مالىمەت شىندىققا جاناسپايدى. قىپ-قىزىل وتىرىك. ول ادام جاسان زەكەي ۇلىنىڭ جاقسى اتىنا كىر كەلتىرۋدى عانا كوزدەپ ءجۇر.
سول سەبەپتى جاسان زەكەي ۇلى ادىلدىك ورناتقىسى كەلەدى. سوت تورەلىگىنە سەنەدى. 2017 جىلى 31 قاڭتاردا ۇلت كوشباسشىسى – ەلباسى نۇرسۇلتان ءابىش ۇلى نازاربايەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋىندا: «سوت جۇيەسىنە دەگەن سەنىمنىڭ ارتۋىنا قول جەتكىزۋ قاجەت» دەپ ەدى. ەلىمىزدىڭ كونستيتۋسياسىندا: «زاڭ الدىندا جۇرتتىڭ ءبارى تەڭ جانە زاڭ ارقىلى الالانباي، بىردەي تەڭ قورعالۋعا قۇقىلى» دەپ جازىلعان.
ءيا، جاسان زەكەي ۇلى مەن گۇليا ءاليحان قىزى اراسىنداعى داۋ ءالى تىنشىمادى. مۇلىكتى ءبولىسۋ كەزىندە ءبىراز شيكىلىك بولدى. جاسان زەكەي ۇلى ەندى ادىلدىك ورناتقىسى كەلەدى. سول ماقساتتا قىتايدىڭ حالىق ىستەرى جونىندەگى مينيسترلىككە ارنايى حات جازدى. 2019 جىلدىڭ 28 قازانىندا ازاماتتاردىڭ حال اكتىلەرىن تىركەۋ ورگانىنان رەسمي جاۋاپ كەلدى (№19892-759). ونىڭ مازمۇنى تومەندەگىدەي:
جاسان زەكەي ۇلى مەن گۇليا ءاليحان قىزىنىڭ نەكەدە تۇرعانىن راستايتىن قۇجات مۇراعاتتا ساقتالماعان». وسىدان-اق سوتتا كورسەتىلگەن كۋالىكتىڭ كوشىرمە ەكەنىن اڭعارۋعا بولادى. ولار سوت شەشىمىنە ىقپال ەتكەن قۇجاتتى قولدان جاساپ وتىر. بۇل – قىلمىس. قۇجاتتىڭ كوشىرمە ەكەنىن قىتايداعى احات ورگانى دا راستاپ وتىر.
قحر حالىق ىستەرى جونىندەگى مينيسترلىگى ازاماتتاردىڭ حال اكتىلەرىن تىركەۋ باسقارماسى رەسمي جاۋاپتى 2019 جىلى 28 قازاندا جىبەردى. ال جوعارعى سوتتىڭ شەشىمى 2019 جىلدىڭ 4 قىركۇيەگىندە كۇشىنە ەنىپ كەتكەن.
كوپ ۇزاماي جاسان زەكەي ۇلى «نەكە» تۋرالى كۋالىكتىڭ قولدان جاسالعانىن دالەلدەۋ ءۇشىن قۇزىرلى ورگان وكىلدەرىنە تاعى جۇگىندى. وسى ماسەلەگە قاتىستى قىلمىستىق ءىس قوزعالىپ، الماتى قالاسى بوستاندىق اۋدانىنىڭ پوليسيا باسقارماسى تەرگەۋ جۇرگىزدى. 2020 جىلدىڭ 22 مامىرىندا قىلمىستىق ءىستى قايتا قوزعاۋ تۋرالى شەشىم قابىلداندى.
بيىلعى جىلدىڭ تامىز ايىندا قازاقستان رەسپۋبليكاسىنىڭ باس پروكۋراتۋراسى كەيتۋن قالاسىنىڭ حالىقتىق ۇكىمەتىنە (قحر) رەسمي حات جولدادى. ولار «نەكە» تۋرالى كۋالىكتىڭ قولدان جاسالعان-جاسالماعانىن انىقتاۋعا كىرىستى.
«وتىرىكتىڭ قۇيرىعى ءبىر-اق تۇتام» ەكەنىن ەسكەرسەك، كوپ ۇزاماي بۇل ماسەلە شەشىمىن تابادى. مۇقىم جۇرت انىق-قانىعىن بىلەدى. جاسان زەكەي ۇلى مەن گۇليا ءاليحان قىزى نەكەلەسپەگەن. ونى راستايتىن قۇجات قولدان جاسالعان. مۇنى قىتايداعى قۇزىرلى ورگان قىزمەتكەرلەرى دە راستاپ وتىر.
ءبىز بىرەۋدى زار قاقساتىپ، تەمىر تورعا توعىتۋدى كوزدەمەيمىز. جاسان زەكەي ۇلى تەك ادىلدىك ورناتىپ، اقيقاتقا قول جەتكىزۋدى عانا ماقسات ەتەدى.
بىزگە ءبىر عانا نارسە تۇسىنىكسىز... نەگە الگى ادامدار جالعان قۇجات جاساتىپ، جاسان زەكەي ۇلىنىڭ بەدەلىنە نۇقسان كەلتىرىپ ءجۇر؟ ولاردىڭ كوزدەگەنى نە سوندا؟!
قىمبات الماسوۆا، جاسان زەكەي ۇلىنىڭ سەنىمدى وكىلى
