Muny áldekimder qasaqana jasap otyr. Jasan Zekeiulyn aiaqtan shalý maqsatynda uiymdastyrylǵan. Olar aram piǵyldaryn iske asyrý úshin aianyp qalatyn emes.
Anyǵynda, Jasan Zekeiuly – joǵary bilikti maman. Halyqaralyq «Jas-Ai» meditsinalyq ortalyǵynyń basshysy, meditsina ǵylymdarynyń doktory, professor. Ultyna jaqyn adam. Qaiyrymdylyq sharalaryn jii ótkizedi. Jaǵdaiy jutań jandarǵa qol ushyn sozyp keledi. Turmysyn tiktei almai júrgenderge tegin meditsinalyq qyzmet kórsetedi.
Jasan Zekeiuly meditsina salasynyń ilgerileýine súbeli úles qosty. Qaýipti indet alqymnan alǵan tusta júzdegen adamnyń ómirin arashalap qaldy. Mine, osyndai adal jannyń ar-namysy aiaqqa taptalyp jatyr. Bedeline nuqsan keltirýde.
Gúliia Álihanqyzy áleýmettik jelide taratqan málimet shyndyqqa janaspaidy. Qyp-qyzyl ótirik. Ol adam Jasan Zekeiulynyń jaqsy atyna kir keltirýdi ǵana kózdep júr.
Sol sebepti Jasan Zekeiuly ádildik ornatqysy keledi. Sot tóreligine senedi. 2017 jyly 31 qańtarda Ult kóshbasshysy – Elbasy Nursultan Ábishuly Nazarbaev «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda: «Sot júiesine degen senimniń artýyna qol jetkizý qajet» dep edi. Elimizdiń Konstitýtsiiasynda: «Zań aldynda jurttyń bári teń jáne zań arqyly alalanbai, birdei teń qorǵalýǵa quqyly» dep jazylǵan.
Iá, Jasan Zekeiuly men Gúliia Álihanqyzy arasyndaǵy daý áli tynshymady. Múlikti bólisý kezinde biraz shikilik boldy. Jasan Zekeiuly endi ádildik ornatqysy keledi. Sol maqsatta Qytaidyń Halyq isteri jónindegi ministrlikke arnaiy hat jazdy. 2019 jyldyń 28 qazanynda Azamattardyń hal aktilerin tirkeý organynan resmi jaýap keldi (№19892-759). Onyń mazmuny tómendegidei:
Jasan Zekeiuly men Gúliia Álihanqyzynyń nekede turǵanyn rastaityn qujat muraǵatta saqtalmaǵan». Osydan-aq sotta kórsetilgen kýáliktiń kóshirme ekenin ańǵarýǵa bolady. Olar sot sheshimine yqpal etken qujatty qoldan jasap otyr. Bul – qylmys. Qujattyń kóshirme ekenin Qytaidaǵy AHAT organy da rastap otyr.
QHR Halyq isteri jónindegi ministrligi Azamattardyń hal aktilerin tirkeý Basqarmasy resmi jaýapty 2019 jyly 28 qazanda jiberdi. Al Joǵarǵy sottyń sheshimi 2019 jyldyń 4 qyrkúieginde kúshine enip ketken.
Kóp uzamai Jasan Zekeiuly «Neke» týraly kýáliktiń qoldan jasalǵanyn dáleldeý úshin quzyrly organ ókilderine taǵy júgindi. Osy máselege qatysty qylmystyq is qozǵalyp, Almaty qalasy Bostandyq aýdanynyń politsiia basqarmasy tergeý júrgizdi. 2020 jyldyń 22 mamyrynda qylmystyq isti qaita qozǵaý týraly sheshim qabyldandy.
Biylǵy jyldyń tamyz aiynda Qazaqstan Respýblikasynyń Bas Prokýratýrasy Keitýn qalasynyń halyqtyq úkimetine (QHR) resmi hat joldady. Olar «Neke» týraly kýáliktiń qoldan jasalǵan-jasalmaǵanyn anyqtaýǵa kiristi.
«Ótiriktiń quiryǵy bir-aq tutam» ekenin eskersek, kóp uzamai bul másele sheshimin tabady. Muqym jurt anyq-qanyǵyn biledi. Jasan Zekeiuly men Gúliia Álihanqyzy nekelespegen. Ony rastaityn qujat qoldan jasalǵan. Muny Qytaidaǵy quzyrly organ qyzmetkerleri de rastap otyr.
Biz bireýdi zar qaqsatyp, temir torǵa toǵytýdy kózdemeimiz. Jasan Zekeiuly tek ádildik ornatyp, aqiqatqa qol jetkizýdi ǵana maqsat etedi.
Bizge bir ǵana nárse túsiniksiz... Nege álgi adamdar jalǵan qujat jasatyp, Jasan Zekeiulynyń bedeline nuqsan keltirip júr? Olardyń kózdegeni ne sonda?!
Qymbat ALMASOVA, Jasan Zekeiulynyń senimdi ókili
