رەداكتسيياعا ارنايى كەلگەن كٷيشٸ شەمٸل ەبٸلتاي كەلٸپتٸ. «قاڭتار قىرعىنى» دەگەن كٷيٸن شەرتٸپ, «ازامات باتىرباەۆقا ارنادىم» دەدٸ.
كٷيدٸ تىڭداپ بولعاننان كەيٸن «جاس الاش» گازەتٸنٸڭ جاۋاپتى حاتشىسى نۇرىمجان ماۋىتوۆ:
– قازاقتا «كٶبٸك شاشقان», «كٸسەن اشقان», «تٷرمەدەن قاشقان» دەگەن كٷيلەر بار. سٸزدٸڭ كٷيدٸڭ اتى «ٷتٸك باسقان» بولسىن, – دەپ ويىن ورتاعا سالدى.
بۇعان شەمٸل اعا قاتتى ريزا بولىپ, ورنىنان تۇرىپ قولىن بەرٸپ تۇرىپ راقمەتٸن ايتتى.
وسىلايشا «جاس الاشتىڭ» رەداكتسيياسىندا «ٷتٸك باسقان» دەگەن كٷي قايتا تۋدى.
ەلٸمٸزدە ورىن العان ەربٸر ساياسي وقيعا كٷيشٸ شەمٸل ەبٸلتايدىڭ شابىتىن وياتىپ, جاڭا كٷي شىعارۋعا يتەرمەلەيتٸنٸ بٸلٸگٸل.
ايتلىق, شەمٸل ەبٸلتاي نازارباەۆ پرەزيدەنت بولىپ تۇرعاندا وعان دا كٷي ارناعان بولاتىن. بٸراق كٷيشٸ قاڭتار وقيعاسىنان كەيٸن نازارباەۆقا ارناعان كٷيٸن ٶرتەپ جٸبەرگەنٸن ايتقان-دى. سول كەزدە ول:
– پاتشا ەلمەن بٸرگە بولا ما دەگەن ٷمٸت بولدى, بٸزدە. مىناداي جاعدايدان كەيٸن كٷيدٸڭ كيەسٸنە قالمايىن دەپ ٶرتەپ جٸبەردٸم. كٷي – قازاقتىڭ بويتۇمارى. بۇرىن گەتە مەن بەتحوۆەن دە نوپالەونعا ارناپ شىعارما جازعان. كەيٸن قاتتى رەنجٸپ, ٶكٸنگەن دەسەدٸ. مەنٸڭ دە كٶڭٸل-كٷيٸم وسىنداي, – دەگەن ەدٸ.
كٷيشٸ ەلگٸ كٷيدٸڭ نوتاسىن ٶرتەپ, نازارباەۆ تۋرالى كٷيدٸ ويدان شىعارىپ تاستاعانىن تٸلشٸلەرگە ايتقان ەدٸ.
ەسەسٸنە 7 قاڭتارداعى توقاەۆتىڭ ٷندەۋٸنەن كەيٸن كٷيشٸ جٸگەرلەنٸپ, جاڭا كٷي شىعارعان-دى.
– «قاڭتار قاھارمانى» دەگەن كٷيٸم ٶلگەندەرگە تاعزىم, تٸرٸ قالعاندارعا رۋح بەرۋ ٷشٸن شىعارىلدى. مەنەن «شەمٸل, نەشە كٷيٸڭ بار?» دەسە بٸر عانا كٷيٸم بار دەۋٸم مٷمكٸن. ول – «قاڭتار قاھارمانى». قاسىم-جومارتتىڭ اتاسىنا «توقاي تاعدىرى» دەگەن كٷيمەن قۇلپىتاس قويدىم. 30-جىلدارى اشارشىلىق قۇربانى بولعان عوي. ونىڭ مولاسى دا جوق. اشتان ٶلگەن 4 ملن ادامنىڭ بٸرٸ, – دەگەن ەدٸ. ەندٸ سول كٷي «ٷتٸك باسقان» بولىپ ٶزگەردٸ.
