Redaktsiiaǵa arnaiy kelgen kúishi Shámil Ábiltai kelipti. «Qańtar qyrǵyny» degen kúiin shertip, «Azamat Batyrbaevqa arnadym» dedi.
Kúidi tyńdap bolǵannan keiin «Jas Alash» gazetiniń jaýapty hatshysy Nurymjan Maýytov:
– Qazaqta «Kóbik shashqan», «Kisen ashqan», «Túrmeden qashqan» degen kúiler bar. Sizdiń kúidiń aty «Útik basqan» bolsyn, – dep oiyn ortaǵa saldy.
Buǵan Shámil aǵa qatty riza bolyp, ornynan turyp qolyn berip turyp raqmetin aitty.
Osylaisha «Jas Alashtyń» redaktsiiasynda «Útik basqan» degen kúi qaita týdy.
Elimizde oryn alǵan árbir saiasi oqiǵa kúishi Shámil Ábiltaidyń shabytyn oiatyp, jańa kúi shyǵarýǵa itermeleitini biligil.
Aitlyq, Shámil Ábiltai Nazarbaev prezident bolyp turǵanda oǵan da kúi arnaǵan bolatyn. Biraq kúishi Qańtar oqiǵasynan keiin Nazarbaevqa arnaǵan kúiin órtep jibergenin aitqan-dy. Sol kezde ol:
– Patsha elmen birge bola ma degen úmit boldy, bizde. Mynadai jaǵdaidan keiin kúidiń kiesine qalmaiyn dep órtep jiberdim. Kúi – qazaqtyń boitumary. Buryn Gete men Bethoven de Nopaleonǵa arnap shyǵarma jazǵan. Keiin qatty renjip, ókingen desedi. Meniń de kóńil-kúiim osyndai, – degen edi.
Kúishi álgi kúidiń notasyn órtep, Nazarbaev týraly kúidi oidan shyǵaryp tastaǵanyn tilshilerge aitqan edi.
Esesine 7 qańtardaǵy Toqaevtyń úndeýinen keiin kúishi jigerlenip, jańa kúi shyǵarǵan-dy.
– «Qańtar qaharmany» degen kúiim ólgenderge taǵzym, tiri qalǵandarǵa rýh berý úshin shyǵaryldy. Menen «Shámil, neshe kúiiń bar?» dese bir ǵana kúiim bar deýim múmkin. Ol – «Qańtar qaharmany». Qasym-Jomarttyń atasyna «Toqai taǵdyry» degen kúimen qulpytas qoidym. 30-jyldary asharshylyq qurbany bolǵan ǵoi. Onyń molasy da joq. Ashtan ólgen 4 mln adamnyń biri, – degen edi. Endi sol kúi «Útik basqan» bolyp ózgerdi.
