ۇلتتىق ەكونوميكا مينيسترلٸگٸ ٶزٸنە قاراستى ۇيىمداردا التى ايدان بەرٸ تولتىرىلماعان بوس شتات بٸرلٸكتەرٸن قىسقارتۋ تۋرالى بۇيرىق بەكٸتتٸ, دەپ حابارلايدى Dalanews.kz.
جاڭا تالاپقا سەيكەس, جارگودا بار بولعانىمەن, جارتى جىلدان استام ۋاقىت بويى ەشكٸم جۇمىس ٸستەمەگەن قىزمەت ورىندارى قىسقارتىلادى. سوعان بايلانىستى ۇيىمداردىڭ ەڭبەكاقى تٶلەۋ قورى دا قايتا قارالادى.
الايدا بۇل ەرەجە بارلىق لاۋازىمدارعا بٸردەي قولدانىلمايدى. قىسقارتۋ مىنا قىزمەتتەرگە جٷرمەيدٸ:
- بٸرٸنشٸ باسشىلار;
- ماۋسىمدىق قىزمەتكەرلەر;
- يادرولىق فيزيكا, جوعارى تەحنولوگييالىق جابدىقتار نەمەسە سيرەك كەزدەسەتٸن ينجەنەرلٸك باعىتتاعى جوعارى بٸلٸكتٸ ماماندار;
- ەڭبەك زاڭناماسىنا سەيكەس ساقتالۋى تيٸس جۇمىس ورىندارى.
مينيسترلٸك مەلٸمەتٸنشە, ۇيىمداردىڭ دامۋ جوسپارلارىنا ٶزگەرٸس ەنگٸزۋ تەرتٸبٸ دە ناقتى بەلگٸلەنگەن. ەگەر ۇزاق ۋاقىت بويى بوس تۇرعان جۇمىس ورنى انىقتالسا, اتقارۋشى ورگان ونى قىسقارتۋ جەنە ەڭبەكاقى قورىنداعى ٶزگەرٸستەردٸ نەگٸزدەپ, جاڭارتىلعان دامۋ جوسپارىن ۇسىنۋى تيٸس. بۇل جوسپارلار جىل سايىن 25 ماۋسىم مەن 25 جەلتوقساننان كەشٸكتٸرٸلمەي قارالىپ, بەكٸتٸلەدٸ.
سونىمەن قاتار ۇيىمداردىڭ ەسەپ بەرۋ تالاپتارى كٷشەيتٸلدٸ. ەندٸ ولار قىزمەتكەرلەر سانى مەن ەڭبەكاقى قورى تۋرالى دەرەكتەرمەن بٸرگە قىسقارتىلعان بوس شتات بٸرلٸكتەرٸ جٶنٸندە دە ەسەپ تاپسىرادى.
مينيسترلٸك بۇل شارالار كادر ساياساتىن اشىق جٷرگٸزۋگە, بيۋدجەت قاراجاتىن تيٸمدٸ پايدالانۋعا جەنە مەملەكەتتٸك ۇيىمدارداعى تەرتٸپتٸ كٷشەيتۋگە باعىتتالعانىن اتاپ ٶتتٸ.
