Ulttyq ekonomika ministrligi ózine qarasty uiymdarda alty aidan beri toltyrylmaǵan bos shtat birlikterin qysqartý týraly buiryq bekitti, dep habarlaidy Dalanews.kz.
Jańa talapqa sáikes, jargoda bar bolǵanymen, jarty jyldan astam ýaqyt boiy eshkim jumys istemegen qyzmet oryndary qysqartylady. Soǵan bailanysty uiymdardyń eńbekaqy tóleý qory da qaita qaralady.
Alaida bul ereje barlyq laýazymdarǵa birdei qoldanylmaidy. Qysqartý myna qyzmetterge júrmeidi:
- birinshi basshylar;
- maýsymdyq qyzmetkerler;
- iadrolyq fizika, joǵary tehnologiialyq jabdyqtar nemese sirek kezdesetin injenerlik baǵyttaǵy joǵary bilikti mamandar;
- eńbek zańnamasyna sáikes saqtalýy tiis jumys oryndary.
Ministrlik málimetinshe, uiymdardyń damý josparlaryna ózgeris engizý tártibi de naqty belgilengen. Eger uzaq ýaqyt boiy bos turǵan jumys orny anyqtalsa, atqarýshy organ ony qysqartý jáne eńbekaqy qoryndaǵy ózgeristerdi negizdep, jańartylǵan damý josparyn usynýy tiis. Bul josparlar jyl saiyn 25 maýsym men 25 jeltoqsannan keshiktirilmei qaralyp, bekitiledi.
Sonymen qatar uiymdardyń esep berý talaptary kúsheitildi. Endi olar qyzmetkerler sany men eńbekaqy qory týraly derektermen birge qysqartylǵan bos shtat birlikteri jóninde de esep tapsyrady.
Ministrlik bul sharalar kadr saiasatyn ashyq júrgizýge, biýdjet qarajatyn tiimdi paidalanýǵa jáne memlekettik uiymdardaǵy tártipti kúsheitýge baǵyttalǵanyn atap ótti.
