شىعىس قازاقستان وبلىسىنا قاراستى جارما اۋدانىندا شقو وبلىستىق ءماسليحات دەپۋتاتتىعىنا كانديدات قۋانىش سۇلەيمەنوۆ جانە جارما اۋداندىق ءماسليحاتى دەپۋتاتتىعىنا ۇمىتكەرلەر – قايراتبەك دوعالبايەۆ، داۋلەت شاياحمەتوۆ، رىسقالي نۇرالينوۆ، دوسحان بالتابايەۆ شالاباي اۋىلى تۇرعىندارىمەن كەزدەسىپ، سايلاۋالدى ۇگىت-ناسيحات جۇمىستارىمەن جۇرگىزدى.

كەزدەسۋ بارىسىندا ۇمىتكەرلەر جيىنعا كەلگەن تۇرعىندارعا ەلىمىزدەگى ساياسي ناۋقاننىڭ ءمانى مەن ماقساتى تۋرالى تەرەڭىرەك ماعلۇمات بەرىپ ءوتتى.

«Nur Otan» پارتياسىنىڭ حالىقپەن تىعىز بايلانىستا جۇمىس جۇرگىزۋىنىڭ بارىسى جانە  حالىقتىڭ جاعدايىن جاقسارتۋداعى ساياسي ۇيىمنىڭ اتقارىپ جاتقان شارۋاسى جايىندا ۇمىتكەر-كانديداتتار كەڭىنەن اڭگىمەلەپ بەردى.

پاندەميا كەزىندە «Nur Otan» پارتياسىنىڭ ەلباسىنىڭ باستاماسىمەن جۇزەگە اسقان اكسيالار اياسىندا مىڭداعان ادامدارعا كومەك كورسەتىپ، ىندەت كەزىندە ەل ازاماتتارىنا ۇلكەن قولداۋ كورسەتكەنى ءسوز بولدى.

جالپى تۇرعىندارىمەن كەزدەسۋ بارىسىندا ۇمىتكەرلەر جوعارىدا ايتىلعان ماسەلەلەر شەڭبەرىندە الداعى جىلدارى ەلىمىزدە ورتا، ورتا جانە جوعارى ءبىلىم بەرۋ، دەنساۋلىق ساقتاۋ، ساپالى قىزمەتتەرگە قول جەتىمدىلىكتى قامتاماسىز ەتۋ، كاسىپتىك ماماندىقتاردىڭ بەدەلىن ارتتىرۋ، الەۋمەتتىك سالادا قابىلداناتىن شارالار تۋرالى ويلارىن ورتاعا سالدى.

ءوز كەزەگىندە تۇرعىندار شالاباي اۋىلىندا مادەنيەت ءۇيى اشۋ، اۋدان اراسىن بايلانىستىراتىن جول جاعدايى رەتتەۋگە قاتىستى وتىنىش-تىلەكتەرىن ايتتى.

كەزدەسۋ سوڭىندا ۇمىتكەرلەر تۇرعىندار تاراپىنان كوتەرىلگەن ساۋالداردى نازاردا ۇستايتىندارىن ايتا كەلە، الداعى ۋاقىتتا بولاتىن سايلاۋعا ءبىر كىسىدەي اتسالىسۋعا شاقىرىپ، «Nur Otan» پارتياسى حالىقتان قولداۋ كۇتەتىنىن جەتكىزدى.

(ماتەريال اقىسى شىعىس قازاقستان وبلىسى جارما اۋدانىنىڭ «Nur Otan» پارتياسى سايلاۋ قورىنىڭ قاراجاتىنان تولەندى)