جولداۋداعى ءاربىر ون باعىتقا جەكە توقتالعان ايماق باسشىسى مەملەكەت باسشىسىنىڭ بۇل ساياسي قۇجاتى ءتورتىنشى ونەركاسىپتىك ريەۆوليۋسيا الەمىنە بەيىمدەلۋ مەن جەتىستىككە جەتۋ جولىن تابۋ ءۇشىن نە ىستەۋ قاجەتتىگىن ايقىنداپ بەرگەنىن ايتتى.
– ءبىرىنشى باعىت. «يندۋستريالاندىرۋ جاڭا تەحنولوگيالاردى ەنگىزۋدىڭ كوشباسشىسىنا اينالۋى ءتيىس» دەپ اتاپ كورسەتتى ەلباسىمىز. بۇل باعىتتاعى جۇمىستى وڭتۇستىك قازاقستان وبلىسى بارىنشا جەدەلدەتەتىن بولادى. وڭىرىمىزدە 11 يندۋستريالدى ايماق پەن ءبىر ارنايى ەكونوميكالىق ايماقتىڭ الەۋەتىن بارىنشا ءتيىمدى جۇزەگە اسىرۋىمىز كەرەك. 2017 جىلى يندۋستريالدى ايماقتى دامىتۋدا 9،4 ملرد. تەڭگەنى قۇرايتىن 13 جوبا جۇزەگە استى. ەندى بۇل باعىتتاعى جۇمىستاردى ودان ءارى جەتىلدىرۋگە مىندەتتىمىز. بۇگىندە قولدانىستاعى كاسىپورىنداردا جاڭا سيفرلىق تەحنولوگيالار ەنگىزىلىپ، وندىرىستەر دامۋدا. ماسەلەن، وندىرىستە زاماناۋي تەحنولوگيانى پايدالانۋ ارقىلى اتموسفەراعا كەتەتىن زالالدى تومەندەتىپ، ءوندىرىس سيكلىنىڭ ۋاقىتى مەن ەنەرگيا شىعىنىن ازايتقانعا دۇرىس. بۇل ونىمدىلىكتى ەسەلەپ، ارتتىرادى دەگەن ءسوز.
ەلباسىنىڭ ەكىنشى قويىپ وتىرعان مىندەتى «رەسۋرستىق الەۋەتتى ودان ءارى دامىتۋ». پرەزيدەنت بۇل سالادا تابيعي رەسۋرستاردى ءتيىمدى پايدالانىپ، ەنەرگيا كوزدەرىن تابۋ مەن ۇنەمدەۋگە ۇندەپ وتىر. وڭىرىمىزدە بۇل باعىتتا دا جۇمىستار «ەكسپو – 2017» حالىقارالىق كورمەسىنەن كەيىن بەلسەندى تۇردە قولعا الىنعانىن بىلەسىزدەر. وتكەن جىلدىڭ وزىندە سايرام، قازىعۇرت اۋداندارىندا گيدرو-ەلەكتر ستانسيالارى ىسكە قوسىلدى. سونىمەن بىرگە، شىمكەنت قالاسىندا كارىز سۋ قالدىقتارىنان بيوگاز الاتىن ورتا ازيادا بالاماسى جوق كەشەن پايدالانۋعا بەرىلدى. مۇنىڭ ءبارى مەملەكەتتىڭ قولداۋى ارقاسىندا جۇزەگە اسىپ وتىر. قازىرگى ۋاقىتتا وبلىسىمىزدىڭ بىرنەشە اۋداندارىندا شەتەل ينۆەستورلارىمەن بىرىككەن كۇننەن ەلەكتر ەنەرگياسىن وندىرەتىن نىسانداردىڭ قۇرىلىسى جۇرگىزىلۋدە. جاسىل ەكونوميكانى دامىتۋ بويىنشا وبلىستا جۇزەگە اسىرىلاتىن 26 جوبا ەندى جاڭا باعىتتا قارقىن الاتىن بولادى، – دەدى ج.تۇيمەبايەۆ.
جولداۋداعى ءۇشىنشى مىندەت «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ مۇمكىندىگى» بولىپ وتىرعانىن ايتقان وبلىس اكىمى اگرارلىق ايماق وڭتۇستىك قازاقستان ەلىمىز بويىنشا اۋىل شارۋاشىلىعى سالاسىندا وزىق تەحنولوگيالاردى قولدانۋدا كوش باسىندا تۇرعانىن اتاپ ءوتتى.
– ماسەلەن، تامشىلاتىپ سۋارۋ ءادىسى 7،5 مىڭ گەكتار جەرگە ەندىرىلىپ، جالپى كولەمى 58،5 مىڭ گەكتارعا جەتتى. بۇل رەسپۋبليكالىق ۇلەستىڭ 72 پايىزىن قۇراپ وتىر. ال قارقىندى باۋدىڭ كولەمى 2،8 مىڭ گەكتارعا جەتىپ وتىر. ينتەنسيۆتى ب ا ق، تامشىلاتىپ سۋعارۋ، جىلىجايلار باعىتتارىندا وزىق تەحنولوگيالار ەنگىزۋ ارقىلى ونىمدىلىكتىڭ جوعارعى دەڭگەيىنە جەتىپ وتىرمىز. بيىلدا جاڭا تەحنولوگيالار ەنگىزۋ بويىنشا جۇمىستار جۇيەلى تۇردە اتقارىلاتىن بولادى. ال مەملەكەت باسشىسىنىڭ ايتقان ءتورتىنشى باعىتى، ياعني، كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ بويىنشا بەرگەن مىندەتتەمەسىن جۇزەگە اسىرۋدا وڭتۇستىكتىڭ مۇمكىندىگى مول ەكەنى وزدەرىڭىزگە ايان. ماسەلەن، «جاڭا يندۋستريالاندىرۋ: قازاقستاندىق بارىستىڭ قادامى» ۇلتتىق تەلەكوپىر بارىسىندا شىمكەنت قالاسىندا ورنالاسقان كولىك-لوگيستيكالىق ورتالىعىندا ا + ساناتىنداعى كەشەن ىسكە قوسىلعان بولاتىن. «باتىس ەۋروپا – باتىس جۇڭگو» ماگيسترالى مەن تەمىرجول جەلىسىنە جاقىن ورنالاسقان جاڭا كولىكتىك-لوگيستيكالىق ورتالىعىنىڭ گەوگرافيالىق تۇرعىدان ءتيىمدى ورنالاسۋىندا. بۇل ءوڭىردى كولىكتىك-لوگيستيكالىق حاب رەتىندە قالىپتاستىرۋعا جانە قازاقستاننىڭ اۋماعى ارقىلى اينالىمدى ۇلعايتۋعا ىقپال ەتەدى. قازىرگى كەزدە جالپى اۋماعى 92 گەكتاردى قۇرايتىن «وڭتۇستىك» كولىك-لوگيستيكالىق ورتالىعىندا ينۆەستيسيا قۇنى 35،6 ملرد تەڭگە بولاتىن 8 جوبا جۇزەگە اسىرىلۋدا. اۋماعى – 242 500 شارشى مەتردى قۇرايدى. مۇندا كەدەندىك راسىمدەۋ، فيتوسانيتارلىق جانە ۆەتەرينارلىق باقىلاۋ قىزمەتتەرى ءبىر تەرەزە قاعيداسىمەن جۇرگىزىلسە، بۇعان قوسا ۋاقىتشا ساقتاۋ قىزمەتى دە قاراستىرىلعان، – دەدى وبلىس اكىمى.
قازاقستاندىقتاردىڭ ەڭ وزەكتى الەۋمەتتىك پروبلەماسى – باسپانا. سوندىقتان دا ەلباسى ءوزىنىڭ جولداۋىندا تۇرعىن ءۇي قۇرىلىسى سالاسىنا ەرەكشە نازار اۋدارىپ وتىرعانىن ايتقان ج.تۇيمەبايەۆ بيىل وڭتۇستىكتە 245 كوپقاباتتى تۇرعىن ءۇيدىڭ قۇرىلىسى ءجۇرزىلىپ، ونىڭ 91ء-ى نەمەسە 4 733 پاتەر پايدالانۋعا بەرىلگەنىن جەتكىزدى. سونداي-اق، اكىم وتكەن جىلدان وتپەلى بولعان 154 كوپقاباتتى تۇرعىن ءۇيدىڭ قۇرىلىسىنان بولەك، وسى جىلى تاعى دا 100 كوپقاباتتى ءۇي قۇرىلىسى باستالاتىنىن ءمالىم ەتتى.
دامۋدىڭ 10 باعىتىن ايقىنداعان ەلباسى جولداۋى – جاڭا ماقساتتارعا جەتەلەيتىن ەڭ باستى قۇجات بولىپ تابىلاتىنىن ايتقان ءوڭىر باسشىسى ساياسي قۇجاتتى ءتۇسىندىرۋ جانە ناسيحاتتاۋ جۇمىستارى بويىنشا جەلىلىك كەستە، مەديا-جوسپار جاساۋدى تاپسىردى. سونىمەن قاتار، اكىم بارلىق دەڭگەيدەگى اكىمدەر مەن حالىق قالاۋلىلارىن، ارداگەرلەر جانە قوعامدىق ۇيىمدار مەن سالا بەلسەندىلەرىن حالىق اراسىندا ناسيحاتتاۋ جۇمىستارىنا، نەگىزگى باسىمدىقتارىنىڭ جوعارى دەڭگەيدە جۇزەگە اسىرىلۋىنا بەلسەندى اتسالىسۋعا شاقىردى.
وقو اكىمىنىڭ باسپا ءسوز قىزمەتى
