ەسەپتى كەزدەسۋگە جەرگىلىكتى تۇرعىندارمەن قاتار، ق ر پرەمەر-مينيسترىنىڭ ورىنباسارى اسقار جۇماعالييەۆ پەن ق ر پرەزيدەنتى اكىمشىلىگىنىڭ مەملەكەتتىك ينسپەكتورى مۇرات يماندوسوۆ جانە «نۇر وتان» پارتياسىنىڭ حاتشىسى عابيدوللا ءابدىراحىموۆ، ق ر پرەمەر-مينيستر كەڭسەسىنىڭ باس يسنپەكتورى مارات جەكسەمبين قاتىستى. جالپى ەسەپتى جيىنعا قاتىسقان ءبىر مىڭنان استام تۇرعىننان بولەك، ءوڭىر جۇرتشىلىعى ايماق باسشىسىنىڭ ەسەبىن وبلىس اكىمدىگىنىڭ رەسمي سايتى مەن الەۋمەتتىك جەلىدەگى facebook پاراقشاسىندا جۇرگەن تىكەلەي ەفير ارقىلى دا تىڭدادى.
وتكەن جىلى اتقارىلعان جۇمىستارعا توقتالعان ءوڭىر باسشىسى ونەركاسىپ سالاسىندا 858،5 ملرد. تەڭگەنىڭ ءونىمى ءوندىرىلىپ، 2016 جىلمەن سالىستىرعاندا 69،5 ملرد. تەڭگەگە وسكەنىن ايتتى. ال وڭدەۋ ونەركاسىبى ءوندىرىسىنىڭ ءوسىمى وتكەن جىلمەن سالىستىرعاندا ءبىرقاتار سالالاردا ارتقان. سونىمەن 2017 جىلى يندۋستريالاندىرۋ كارتاسى اياسىندا 36،4 ملرد. تەڭگەگە 1 مىڭعا جۋىق جۇمىس ورنىن قۇرايتىن 18 جوبا ىسكە قوسىلعان. قازىرگى تاڭدا 11 يندۋستريالدىق ايماقتىڭ 9-ى تولىققاندى جۇمىسقا كوشكەن. بۇگىندە ايماقتاردا ىسكە اسىرىلعان جوبالار سانى 78-گە جەتىپ، 35،9 ملرد. تەڭگە ينۆەستيسيا تارتىلدى. وسىنىڭ ناتيجەسىندە 4 مىڭنان استام جۇمىس ورنى اشىلدى.
– وبلىسقا تارتىلعان ينۆەستيسياعا كەلەتىن بولساق، بۇل بويىنشا وبلىس ەكونوميكاسىنا 482 ملرد. تەڭگە ينۆەستيسيا باعىتتالىپ، 2016 جىلمەن سالىستىرعاندا 20،2%-عا ارتتى. بۇل كورسەتكىشپەن وبلىس رەسپۋبليكادا الدىڭعى ورىندا. ياعني، وسى وڭىرگە ينۆەستيسيا تارتۋ ماقساتىندا وتكەن جىلى شەتەل ينۆەستورلارىمەن 40-تان اسا ىسكەرلىك كەزدەسۋلەر وتكىزىلگەن. ناتيجەسىندە، رەسەيمەن كىشى گيدروەلەكترستانسياسىنىڭ قۇرىلىسى، قىتايمەن – بيوەتانول مەن فوسفور تىڭايتقىشى زاۋىتتارى، كۇن ساۋلەسىنەن ەلەكتر قۋاتىن وندىرەتىن ەلەكترستانساسىنىڭ قۇرىلىستارىن جۇرگىزۋ جونىندە كەلىسىمدەر جاسالدى. ينۆەستيسيا تارتۋ جۇمىستارىن كۇشەيتۋ جانە شەتەلدىك ينۆەستورلارمەن جۇمىستى ۇيىمداستىرۋ ماقساتىندا 2017 جىلدىڭ ماۋسىم ايىنان باستاپ وبلىستا «Kazakh Invest» ۇلتتىق كومپانياسى» اق وڭىرلىك وكىلدىگى اشىلدى. جالپى وتكىزىلگەن ينۆەستيسيالىق فورۋمدار مەن ءىس-شارالاردىڭ ناتيجەسىندە، وتكەن جىلى سىرتتان تارتىلعان ينۆەستيسيا كولەمى 94،6 ملرد. تەڭگەنى قۇراپ، ءوسىم 48%-عا جەتتى، – دەدى ج.تۇيمەبايەۆ.
اگرارلى ايماقتىڭ اگروونەركاسىپ سالاسىندا اتقارىلعان جۇمىستارىنا توقتالعان اكىم مەملەكەتتىك قولداۋدىڭ ارقاسىندا 522 ملرد. تەڭگەنىڭ ءونىمى ءوندىرىلىپ، 2 پايىزعا ارتقانىن اتاپ ءوتتى. ونىڭ ايتۋىنشا، بۇل كورسەتكىشپەن وبلىس رەسپۋبليكاداعى ۇلەسى بويىنشا 2ء-شى ورىننان كورىنگەن. اۋىل شارۋاشىلىعىنا تارتىلعان ينۆەستيسيالاردىڭ كولەمى 38،1 ملرد. تەڭگەنى قۇراپ، 3،4 ەسەگە ارتقان. وسىنىڭ ناتيجەسىندە ەگىس كولەمى 29 300 گا ۇلعايىپ، 818 مىڭ گەكتارعا، تامشىلاتىپ سۋعارۋ ءادىسى قوسىمشا 8 100 گا ەندىرىلىپ، جالپى كولەمى 59 100 گا جەتكەن. بۇدان بولەك، وبلىس باسشىسى جىلىجايلار قوسىمشا 202 گا سالىنىپ، جالپى 1 325 گا جەتكەنىن، رەسپۋبليكالىق ۇلەسى 80 پايىزدى قۇراعانىن ءمالىم ەتتى. ەسەپتى جىلى سالاعا 24،9 ملرد. تەڭگە سۋبسيديا ءبولىنىپ، 40 مىڭعا جۋىق شارۋاعا قولداۋ كورسەتىلگەن.
ال قۇرىلىس جۇمىستارىنىڭ كولەمى 5،3 پايىزعا ءوسىپ، جىل باسىنان 721،2 مىڭ شارشى مەتر تۇرعىن ءۇي پايدالانۋعا بەرىلدى. ول 2016 جىلمەن سالىستىرعاندا 36،2 پايىزعا كوبەيگەن. وسىلايشا وتكەن جىلى 7 482 وتباسى باسپانامەن قامتاماسىز ەتىلگەن.
جيىن بارىسىندا ايماق باسشىسى اتقارىلعان جۇمىستار تۋرالى قىسقاشا بايانداما جاساپ، ءوڭىر تۇرعىندارىنىڭ ۇسىنىس پىكىرلەرى مەن ساۋالدارىنا جاۋاپ بەرەتىن بولادى.
وقو اكىمىنىڭ باسپا ءسوز قىزمەتى
https://dalanews.kz/34038
