Esepti kezdesýge jergilikti turǵyndarmen qatar, QR Premer-ministriniń orynbasary Asqar Jumaǵaliev pen QR Prezidenti Ákimshiliginiń memlekettik inspektory Murat Imandosov jáne «Nur Otan» partiiasynyń hatshysy Ǵabidolla Ábdirahymov, QR Premer-Ministr Keńsesiniń bas isnpektory Marat Jeksembin qatysty. Jalpy esepti jiynǵa qatysqan bir myńnan astam turǵynnan bólek, óńir jurtshylyǵy aimaq basshysynyń esebin oblys ákimdiginiń resmi saity men áleýmettik jelidegi facebook paraqshasynda júrgen tikelei efir arqyly da tyńdady.
Ótken jyly atqarylǵan jumystarǵa toqtalǵan óńir basshysy ónerkásip salasynda 858,5 mlrd. teńgeniń ónimi óndirilip, 2016 jylmen salystyrǵanda 69,5 mlrd. teńgege óskenin aitty. Al óńdeý ónerkásibi óndirisiniń ósimi ótken jylmen salystyrǵanda birqatar salalarda artqan. Sonymen 2017 jyly indýstriialandyrý kartasy aiasynda 36,4 mlrd. teńgege 1 myńǵa jýyq jumys ornyn quraityn 18 joba iske qosylǵan. Qazirgi tańda 11 indýstriialdyq aimaqtyń 9-y tolyqqandy jumysqa kóshken. Búginde aimaqtarda iske asyrylǵan jobalar sany 78-ge jetip, 35,9 mlrd. teńge investitsiia tartyldy. Osynyń nátijesinde 4 myńnan astam jumys orny ashyldy.
– Oblysqa tartylǵan investitsiiaǵa keletin bolsaq, bul boiynsha oblys ekonomikasyna 482 mlrd. teńge investitsiia baǵyttalyp, 2016 jylmen salystyrǵanda 20,2%-ǵa artty. Bul kórsetkishpen oblys respýblikada aldyńǵy orynda. Iaǵni, osy óńirge investitsiia tartý maqsatynda ótken jyly shetel investorlarymen 40-tan asa iskerlik kezdesýler ótkizilgen. Nátijesinde, Reseimen kishi gidroelektrstantsiiasynyń qurylysy, Qytaimen – bioetanol men fosfor tyńaitqyshy zaýyttary, kún sáýlesinen elektr qýatyn óndiretin elektrstansasynyń qurylystaryn júrgizý jóninde kelisimder jasaldy. Investitsiia tartý jumystaryn kúsheitý jáne sheteldik investorlarmen jumysty uiymdastyrý maqsatynda 2017 jyldyń maýsym aiynan bastap oblysta «Kazakh Invest» Ulttyq kompaniiasy» AQ óńirlik ókildigi ashyldy. Jalpy ótkizilgen investitsiialyq forýmdar men is-sharalardyń nátijesinde, ótken jyly syrttan tartylǵan investitsiia kólemi 94,6 mlrd. teńgeni qurap, ósim 48%-ǵa jetti, – dedi J.Túimebaev.
Agrarly aimaqtyń agroónerkásip salasynda atqarylǵan jumystaryna toqtalǵan ákim memlekettik qoldaýdyń arqasynda 522 mlrd. teńgeniń ónimi óndirilip, 2 paiyzǵa artqanyn atap ótti. Onyń aitýynsha, bul kórsetkishpen oblys respýblikadaǵy úlesi boiynsha 2-shi orynnan kóringen. Aýyl sharýashylyǵyna tartylǵan investitsiialardyń kólemi 38,1 mlrd. teńgeni qurap, 3,4 esege artqan. Osynyń nátijesinde egis kólemi 29 300 ga ulǵaiyp, 818 myń gektarǵa, tamshylatyp sýǵarý ádisi qosymsha 8 100 ga endirilip, jalpy kólemi 59 100 ga jetken. Budan bólek, oblys basshysy jylyjailar qosymsha 202 ga salynyp, jalpy 1 325 ga jetkenin, respýblikalyq úlesi 80 paiyzdy quraǵanyn málim etti. Esepti jyly salaǵa 24,9 mlrd. teńge sýbsidiia bólinip, 40 myńǵa jýyq sharýaǵa qoldaý kórsetilgen.
Al qurylys jumystarynyń kólemi 5,3 paiyzǵa ósip, jyl basynan 721,2 myń sharshy metr turǵyn úi paidalanýǵa berildi. Ol 2016 jylmen salystyrǵanda 36,2 paiyzǵa kóbeigen. Osylaisha ótken jyly 7 482 otbasy baspanamen qamtamasyz etilgen.
Jiyn barysynda aimaq basshysy atqarylǵan jumystar týraly qysqasha baiandama jasap, óńir turǵyndarynyń usynys pikirleri men saýaldaryna jaýap beretin bolady.
OQO ákiminiń baspasóz qyzmeti
https://dalanews.kz/34038
