قازاقستاننىڭ كەسٸبي بوكس فەدەراتسيياسىنىڭ پرەزيدەنتٸ راحىمجان ەردەنبەكوۆ جەنٸبەك ەلٸمحانۇلىنىڭ جارىستارعا قاتىسۋىنا ۋاقىتشا شەكتەۋ قويىلعانىن مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, سپورتشىعا قاتىستى دوپينگكە بايلانىستى ٸس قارالىپ جاتقان كەزەڭدە ول رەسمي جەكپە-جەكتەرگە شىعا المايدى.
ەردەنبەكوۆتٸڭ سٶزٸنشە, قايتا تەكسەرۋ نەتيجەلەرٸ بويىنشا جينالعان بارلىق قۇجاتتار تيٸستٸ حالىقارالىق ۇيىمدارعا, سونىڭ ٸشٸندە WBO, IBF جەنە ٶزگە دە قۇرىلىمدارعا جولدانادى. دەل وسى ۇيىمدار بوكسشىنى چەمپيوندىق بەلبەۋلەرٸنەن ايىرۋ نەمەسە ساقتاپ قالۋ جٶنٸندە تٷپكٸلٸكتٸ شەشٸم قابىلدايدى.
«قازٸر تىڭداۋلار جٷرٸپ جاتىر. ولار تولىق اياقتالعانعا دەيٸن جەنٸبەككە جەكپە-جەك ٶتكٸزۋگە رۇقسات بەرٸلمەيدٸ», – دەدٸ فەدەراتسييا باسشىسى.
ەسكە سالايىق, 6 جەلتوقساندا جەنٸبەك ەلٸمحانۇلى كۋبا بوكسشىسى ەريسلاندي لارامەن جەكپە-جەككە شىعۋى تيٸس ەدٸ. الايدا كەزدەسۋدٸڭ بولمايتىنى رەسمي تٷردە حابارلاندى. بۇعان قازاقستاندىق بوكسشىنىڭ اناليزٸنەن مەلدونيي اتتى تىيىم سالىنعان پرەپارات تابىلعانى سەبەپ بولدى.
