ن. تابىنبايەۆتىڭ ايتۋىنشا، بۇل كوروناۆيرۋستىڭ «دەلتا» نۇسقاسىنىڭ تارالۋىمەن بايلانىستى.
– جىل باسىنان بەرى كۆي-دى جۇقتىرعان 74 مىڭعا جۋىق ناۋقاس تىركەلدى. 1 مەن 27 شىلدە ارالىعىندا 18 118 ادامنىڭ كۆي جۇقتىرعانى انىقتالدى. بۇل پەسسيميستىك بولجامنان ەداۋىر جوعارى. ول 10 700 جاعدايدى قۇرادى، – دەدى الماتى قدب باسشىسى.
الماتىدا ىندەت باستالعالى 2020 جىلدىڭ ناۋرىز ايىنان باستاپ بۇگىنگى كۇنگە دەيىن كۆي جۇقتىرعان 92 424 ناۋقاس تىركەلدى.
ن. تابىنبايەۆ ولاردىڭ ۆەدومستۆوسى الداعى ەكى ايعا 30 قىركۇيەككە دەيىن بولجام دايىنداعانىن ايتتى.
– بازالىق بولجامعا سايكەس، سىرقاتتانۋشىلىقتىڭ باستاپقى كەزەڭى تامىزدىڭ ءبىرىنشى ونكۇندىگىنە كەلەدى، تاۋلىگىنە 1 600-گە جۋىق جاڭا جاعداي تىركەلەدى. پەسسيميستىك بولجامعا سايكەس، اۋرۋدىڭ شارىقتاۋ شەگى 10 مەن 11 تامىزدا تىركەلىپ، تاۋلىگىنە 1 900 جاڭا جاعداي تىركەلەدى. تامىز ايىندا اۋرۋدىڭ 34 500 جاعدايى، ال 2021 جىلدىڭ قىركۇيەگىندە 4 500 جاعداي تىركەلگەن اۋرۋدىڭ تومەندەۋى بولجانۋدا، – دەدى ن. تابىنبايەۆ.
قدب باسشىسى 7 مىڭ ينفەكسيالىق توسەك دايىندالعانىن ايتتى. رەزەرۆتە قوسىمشا 3 مىڭ توسەك-ورىن بار. قيىن جاعدايدا تاعى 2 مىڭ رەزەرۆتىك توسەك-ورىن دايىندالادى.
ن. تابىنبايەۆ بۇگىندە 6 400 توسەك-ورىن تارتىلعانىن، ولاردىڭ جۇكتەمەسى 3 827 ناۋقاستى، ونىڭ ىشىندە 239 بالانى قۇرايتىنىن ايتتى. ستاسيونارلاردا اۋىر جاعدايدا 114 ناۋقاس جانە 956 ناۋقاس اۋىر جاعدايدا ەم الۋدا.
ينفەكسيالىق ستاسيونارلاردا 500 رەانيماسيالىق توسەك-ورىن بار. جۇمىس جۇكتەمەسى 52% قۇرايدى. ءوجج اپپاراتتارىنا 29 ناۋقاس قوسىلعان. وكپەنى ءينۆازيۆتى ەمەس جەلدەتۋدە – 105 ادام، High Flo – 99 ناۋقاس بار.
– كوروناۆيرۋستىڭ جاڭا شتاممدارى اگرەسسيۆتى، ءولىم جاعدايىنا الىپ كەلەدى. بارلىق كەزەڭدە 1 092 ادام قايتىس بولدى. وسى جىلى 1 قاڭتار مەن 26 شىلدە ارالىعىندا 703 ادام قايتىس بولدى. حالىقتىڭ ءولىمى، جاعدايدىڭ اۋىرلىعىنا بايلانىستى ۆاكسينا الۋ وتە ماڭىزدى. بۇگىندە بۇل ۇجىمدىق يممۋنيتەتتى قالىپتاستىرۋدىڭ جانە ىندەت سالدارىن ەڭسەرۋدىڭ بىردەن-بىر قولايلى ءتاسىلى، – دەدى ن. تابىنبايەۆ.
قدب باسشىسى كۇن سايىن 6 مىڭنان استام مەديسينا قىزمەتكەرى كوۆيدتىك ستاسيونارلاردا الماتىلىقتاردىڭ دەنساۋلىعى مەن ءال-اۋقاتى ءۇشىن كۇرەسىپ جاتقانىن حابارلادى. تاعى 1 700 قىزمەتكەر رەزەرۆتە تۇر.
ەسكە سالساق، كۆي دەرتىنىڭ تارالۋىنا قارسى تۇرۋدىڭ جالعىز جولى ۆاكسينا الۋ. قالانىڭ باس دارىگەرى ءوز دەنساۋلىعى مەن جاقىندارىنىڭ دەنساۋلىعىن ساقتاۋ ءۇشىن بەلسەندى ۆاكسينالاۋعا شاقىرادى. الماتىدا ەكپە پۋنكتتەرىنىڭ كەڭ جەلىسى اشىلدى. كۇن سايىن 15-20 مىڭعا دەيىن ەكپە الۋعا مۇمكىندىك بار. 26 شىلدە كۇنى ۆاكسينانىڭ 1 كومپونەنتىنىڭ 768 545 دوزاسى جانە 2 كومپونەنتىنىڭ 499 185 دوزاسى الىندى.
27 شىلدەدەگى جاعداي بويىنشا ەكپەنىڭ 1ء-شى كومپونەنتنىن حالىقتىڭ جالپى سانىنان 32،9% (اۋىرىپ جازىلعان ادامداردىڭ 10%)، 2ء-شى كومپونەنتىن – 21،4% (اۋىرىپ جازىلعان ادامداردىڭ 10%) قۇرادى.
