"Jańa shtamm ólim jaǵdaiyna alyp keledi". Almatynyń Densaýlyq basqarmasy jurtty saqtandyrdy
N. Tabynbaevtyń aitýynsha, bul koronavirýstyń «delta» nusqasynyń taralýymen bailanysty.
– Jyl basynan beri KVI-di juqtyrǵan 74 myńǵa jýyq naýqas tirkeldi. 1 men 27 shilde aralyǵynda 18 118 adamnyń KVI juqtyrǵany anyqtaldy. Bul pessimistik boljamnan edáýir joǵary. Ol 10 700 jaǵdaidy qurady, – dedi Almaty QDB basshysy.
Almatyda indet bastalǵaly 2020 jyldyń naýryz aiynan bastap búgingi kúnge deiin KVI juqtyrǵan 92 424 naýqas tirkeldi.
N. Tabynbaev olardyń vedomstvosy aldaǵy eki aiǵa 30 qyrkúiekke deiin boljam daiyndaǵanyn aitty.
– Bazalyq boljamǵa sáikes, syrqattanýshylyqtyń bastapqy kezeńi tamyzdyń birinshi onkúndigine keledi, táýligine 1 600-ge jýyq jańa jaǵdai tirkeledi. Pessimistik boljamǵa sáikes, aýrýdyń sharyqtaý shegi 10 men 11 tamyzda tirkelip, táýligine 1 900 jańa jaǵdai tirkeledi. Tamyz aiynda aýrýdyń 34 500 jaǵdaiy, al 2021 jyldyń qyrkúieginde 4 500 jaǵdai tirkelgen aýrýdyń tómendeýi boljanýda, – dedi N. Tabynbaev.
QDB basshysy 7 myń infektsiialyq tósek daiyndalǵanyn aitty. Rezervte qosymsha 3 myń tósek-oryn bar. Qiyn jaǵdaida taǵy 2 myń rezervtik tósek-oryn daiyndalady.
N. Tabynbaev búginde 6 400 tósek-oryn tartylǵanyn, olardyń júktemesi 3 827 naýqasty, onyń ishinde 239 balany quraitynyn aitty. Statsionarlarda aýyr jaǵdaida 114 naýqas jáne 956 naýqas aýyr jaǵdaida em alýda.
Infektsiialyq statsionarlarda 500 reanimatsiialyq tósek-oryn bar. Jumys júktemesi 52% quraidy. ÓJJ apparattaryna 29 naýqas qosylǵan. Ókpeni invazivti emes jeldetýde – 105 adam, High Flo – 99 naýqas bar.
– Koronavirýstyń jańa shtammdary agressivti, ólim jaǵdaiyna alyp keledi. Barlyq kezeńde 1 092 adam qaitys boldy. Osy jyly 1 qańtar men 26 shilde aralyǵynda 703 adam qaitys boldy. Halyqtyń ólimi, jaǵdaidyń aýyrlyǵyna bailanysty vaktsina alý óte mańyzdy. Búginde bul ujymdyq immýnitetti qalyptastyrýdyń jáne indet saldaryn eńserýdiń birden-bir qolaily tásili, – dedi N. Tabynbaev.
QDB basshysy kún saiyn 6 myńnan astam meditsina qyzmetkeri kovidtik statsionarlarda almatylyqtardyń densaýlyǵy men ál-aýqaty úshin kúresip jatqanyn habarlady. Taǵy 1 700 qyzmetker rezervte tur.
Eske salsaq, KVI dertiniń taralýyna qarsy turýdyń jalǵyz joly vaktsina alý. Qalanyń bas dárigeri óz densaýlyǵy men jaqyndarynyń densaýlyǵyn saqtaý úshin belsendi vaktsinalaýǵa shaqyrady. Almatyda ekpe pýnktteriniń keń jelisi ashyldy. Kún saiyn 15-20 myńǵa deiin ekpe alýǵa múmkindik bar. 26 shilde kúni vaktsinanyń 1 komponentiniń 768 545 dozasy jáne 2 komponentiniń 499 185 dozasy alyndy.
27 shildedegi jaǵdai boiynsha ekpeniń 1-shi komponentnin halyqtyń jalpy sanynan 32,9% (aýyryp jazylǵan adamdardyń 10%), 2-shi komponentin – 21,4% (aýyryp jazylǵan adamdardyń 10%) qurady.
