قازاقستاندا جاڭا سالىق كودەكسٸ قابىلداندى. وعان سەيكەس, 2026 جىلدىڭ 1 قاڭتارىنان باستاپ جىلجىمايتىن مٷلٸكتٸ ساتۋ كەزٸندە كەيبٸر جاعدايلاردا سالىق كٶلەمٸ 10-نان 15% - عا دەيٸن ٶسەدٸ, دەپ حابارلايدى Dalanews.kz.
باسپانا ساتىپ الۋداعى قازٸرگٸ جاعداي مەن الداعى جىلداعى جاعدايدى سالىستىرا وتىرىپ, اتالعان مەسەلەنٸڭ ەگجەي-تەگجەيٸن krisha.kz باسىلىمى جازادى.
سالىقتى قاشان تٶلەۋ كەرەك?
ەگەر سٸز باسپاناعا بٸر جىلدان اسا ۋاقىت قانا يەلٸك ەتٸپ, ونى ساتقان بولساڭىز, وندا ودان تٷسكەن اقشادان سالىق تٶلەيسٸز (ساتۋ باعاسى ساتىپ الۋ باعاسىنان جوعارى).
كەز كەلگەن مٷلٸك ساتىلعاندا سالىق سالۋعا جاتادى: پەتەرلەر, ٷيلەر, ساياجايلار; قويمالار; اۆتوتۇراق نەمەسە گاراج; جەر ۋچاسكەسٸ.
قازٸرگٸ جاعداي قالاي?
قازٸر سالىقتىڭ سىياقى مٶلشەرلەمەسٸ ساتۋ قۇنىنىڭ 10 %-ىن قۇرايدى. بۇل ەرەجە 2025 جىلدىڭ سوڭىنا دەيٸن ٶز كٷشٸندە بولادى.
ال جاڭا ەرەجە بويىنشا مەملەكەتكە تٶلەيتٸن وسى سالىق كٶلەمٸ ازداپ ۇلعايادى
2026 جىلدىڭ 1 قاڭتاردان باستاپ جاڭا سالىق كودەكسٸ كٷشٸنە ەنەدٸ. وندا جىلجىمايتىن مٷلٸكتٸ ساتۋ كەزٸندە الىناتىن سالىققا قاتىستى ەكٸ نەگٸزگٸ ٶزگەرٸس بار:
1. مەنشٸك مەرزٸمٸ ەكٸ جىلعا دەيٸن ارتادى.
ساتىلىمنان تٷسكەن اقشادان سالىق تٶلەمەۋ ٷشٸن جىلجىمايتىن مٷلٸك كەم دەگەندە جەكە تۇلعانىڭ اتىندا ەكٸ جىل بولۋى كەرەك. ياعني, يەلٸك ەتۋ مەرزٸمٸ تۋرا ەكٸ ەسەگە, بٸر جىلدان ەكٸ جىلعا دەيٸن ۇلعايتىلدى.
بۇل ارادا ەسكەرەتٸن ماڭىزدى جايت: ەكٸ جىلدىق نورما تەك 2026 جىلدىڭ 1 قاڭتارىنان باستاپ جەنە ودان كەيٸن ساتىپ الىنعان جىلجىمايتىن مٷلٸككە قاتىستى بولادى. ياعني, ٸس جٷزٸندە بۇل سالىق 2028 جىلدىڭ 1 قاڭتارىنان باستاپ تٶلەنەدٸ.
ال جىلجىمايتىن مٷلٸكتٸ 2025 جىلدىڭ سوڭىنا دەيٸن ساتىپ العاندار ٷشٸن ەسكٸ ەرەجە قولدانىلادى: مەرزٸمٸ بٸر جىلدان اسسا, سالىق سالىنبايدى. 2026 جىلعا دەيٸن پەتەر ساتىپ العاندار بۇرىنعى ەرەجە بويىنشا ەرەكەت ەتەدٸ: ەگەر پەتەر بٸر جىلدان استام ۋاقىت ٶز يەلٸگٸڭٸزدە بولسا, وندا ساتۋ كەزٸندە سالىق تٶلەۋدٸڭ قاجەتٸ جوق.
2. سالىق مٶلشەرلەمەسٸ 15%-عا دەيٸن قىمباتتايدى.
جتس-تىڭ بازالىق مٶلشەرلەمەسٸ ٶزگەرٸسسٸز قالادى: قۇن ٶسٸمٸنٸڭ 10% (ساتىپ الۋ باعاسى مەن ساتۋ اراسىنداعى ايىرما). بٸراق ەگەر پايدا 8500 اەك-تەن اساتىن بولسا, وندا وسى شەكتٸ دەڭگەيگە دەيٸنگٸ سوماعا 10% مٶلشەرلەمە قولدانىلادى, ال ودان جوعارى كەز كەلگەن نەرسەگە — 15 %.
جاڭا سالىق كودەكسٸنە سەيكەس, ساتۋدان تٷسكەن اقشا 8500 اەك-تەن اسسا (2025 جىلى بۇل شامامەن 33.4 ملن تەڭگە), ول جوعارى پايدا بولىپ تابىلادى.
سالىقتى قالاي ەسەپتەيمٸز?
- پەتەر ساتىپ الىپ, ونى بٸر جىلدان كەيٸن ساتۋ. پايدا - 10 ملن تەڭگە.
- سالىق - 10% نەمەسە 1 ملن تەڭگە.
- 2,5 جىلدان كەيٸن ساتۋ. پايدا - 40 ملن تەڭگە.
- سالىق - 0 تەڭگە, سەبەبٸ يەلٸك ەتۋ مەرزٸمٸ جەتكٸلٸكتٸ.
- بٸر جىلدان كەيٸن ساتۋ. پايدا - 50 ملن تەڭگە.
34 ملن-عا دەيٸن 10% مٶلشەرلەمە بويىنشا سالىق سالىنادى: 3,4 ملن تەڭگە. بۇل شەكتٸ مەننەن اساتىن سوماعا (16 ملن) - 15% مٶلشەرلەمە: 2.4 ملن تەڭگە. سالىق - 5.8 ملن تەڭگە.
شەتەلدٸكتەر (قر رەزيدەنتتەرٸ ەمەس) جىلجىمايتىن مٷلٸكتٸ يەلەنۋ مەرزٸمٸنە قاراماستان 15% تٶلەيدٸ.
سالىقتى قالاي تٶلەۋگە بولادى?
الدىمەن سٸز دەكلاراتسييا تاپسىرۋىڭىز كەرەك (270.00 نىسانى), پەتەرٸڭٸزدٸ ساتقاننان كەيٸن كەلەسٸ جىلدىڭ 15 قىركٷيەگٸنە دەيٸن.
سالىقتى تٶلەۋ كەرەك: 25 قىركٷيەككە دەيٸن, ياعني ٶتٸنٸش بەرگەننەن كەيٸن 10 كٷن ٸشٸندە.
ونى بىلاي جاساي الاسىز:
- E-Salyq Azamat موبيلدٸ قوسىمشاسى ارقىلى.
- eGov. kz سايتىندا.
- ەلەكتروندىق "سالىق تٶلەۋشٸنٸڭ كابينەتٸندە".
- اۋداندىق مەملەكەتتٸك كٸرٸستەر باسقارماسىنا جەكەلەي بارىپ.
سونىمەن قاتار, 1 قاڭتاردان باستاپ باي-باعلاندار سالىعى پايدا بولادى. ەگەر وبەكتٸلەردٸڭ جيىنتىق قۇنى 450 ملن تەڭگەدەن اساتىن بولسا, وندا وسىنداي سالىقتى تٶلەۋگە تۋرا كەلەدٸ.
