Qazaqstanda jańa Salyq kodeksi qabyldandy. Oǵan sáikes, 2026 jyldyń 1 qańtarynan bastap jyljymaityn múlikti satý kezinde keibir jaǵdailarda salyq kólemi 10-nan 15% - ǵa deiin ósedi, dep habarlaidy Dalanews.kz.
Baspana satyp alýdaǵy qazirgi jaǵdai men aldaǵy jyldaǵy jaǵdaidy salystyra otyryp, atalǵan máseleniń egjei-tegjeiin krisha.kz basylymy jazady.
Salyqty qashan tóleý kerek?
Eger siz baspanaǵa bir jyldan asa ýaqyt qana ielik etip, ony satqan bolsańyz, onda odan túsken aqshadan salyq tóleisiz (satý baǵasy satyp alý baǵasynan joǵary).
Kez kelgen múlik satylǵanda salyq salýǵa jatady: páterler, úiler, saiajailar; qoimalar; avtoturaq nemese garaj; jer ýchaskesi.
Qazirgi jaǵdai qalai?
Qazir salyqtyń syiaqy mólsherlemesi satý qunynyń 10 %-yn quraidy. Bul ereje 2025 jyldyń sońyna deiin óz kúshinde bolady.
Al jańa ereje boiynsha memleketke tóleitin osy salyq kólemi azdap ulǵaiady
2026 jyldyń 1 qańtardan bastap jańa Salyq kodeksi kúshine enedi. Onda jyljymaityn múlikti satý kezinde alynatyn salyqqa qatysty eki negizgi ózgeris bar:
1. Menshik merzimi eki jylǵa deiin artady.
Satylymnan túsken aqshadan salyq tólemeý úshin jyljymaityn múlik kem degende jeke tulǵanyń atynda eki jyl bolýy kerek. Iaǵni, ielik etý merzimi týra eki esege, bir jyldan eki jylǵa deiin ulǵaityldy.
Bul arada eskeretin mańyzdy jait: eki jyldyq norma tek 2026 jyldyń 1 qańtarynan bastap jáne odan keiin satyp alynǵan jyljymaityn múlikke qatysty bolady. Iaǵni, is júzinde bul salyq 2028 jyldyń 1 qańtarynan bastap tólenedi.
Al jyljymaityn múlikti 2025 jyldyń sońyna deiin satyp alǵandar úshin eski ereje qoldanylady: merzimi bir jyldan assa, salyq salynbaidy. 2026 jylǵa deiin páter satyp alǵandar burynǵy ereje boiynsha áreket etedi: eger páter bir jyldan astam ýaqyt óz ieligińizde bolsa, onda satý kezinde salyq tóleýdiń qajeti joq.
2. Salyq mólsherlemesi 15%-ǵa deiin qymbattaidy.
JTS-tyń bazalyq mólsherlemesi ózgerissiz qalady: qun ósiminiń 10% (satyp alý baǵasy men satý arasyndaǵy aiyrma). Biraq eger paida 8500 AEK-ten asatyn bolsa, onda osy shekti deńgeige deiingi somaǵa 10% mólsherleme qoldanylady, al odan joǵary kez kelgen nársege — 15 %.
Jańa Salyq kodeksine sáikes, satýdan túsken aqsha 8500 AEK-ten assa (2025 jyly bul shamamen 33.4 mln teńge), ol joǵary paida bolyp tabylady.
Salyqty qalai esepteimiz?
- Páter satyp alyp, ony bir jyldan keiin satý. Paida - 10 mln teńge.
- Salyq - 10% nemese 1 mln teńge.
- 2,5 jyldan keiin satý. Paida - 40 mln teńge.
- Salyq - 0 teńge, sebebi ielik etý merzimi jetkilikti.
- Bir jyldan keiin satý. Paida - 50 mln teńge.
34 mln-ǵa deiin 10% mólsherleme boiynsha salyq salynady: 3,4 mln teńge. Bul shekti mánnen asatyn somaǵa (16 mln) - 15% mólsherleme: 2.4 mln teńge. Salyq - 5.8 mln teńge.
Sheteldikter (QR rezidentteri emes) jyljymaityn múlikti ielený merzimine qaramastan 15% tóleidi.
Salyqty qalai tóleýge bolady?
Aldymen siz deklaratsiia tapsyrýyńyz kerek (270.00 nysany), páterińizdi satqannan keiin kelesi jyldyń 15 qyrkúiegine deiin.
Salyqty tóleý kerek: 25 qyrkúiekke deiin, iaǵni ótinish bergennen keiin 10 kún ishinde.
Ony bylai jasai alasyz:
- E-Salyq Azamat mobildi qosymshasy arqyly.
- eGov. kz saitynda.
- Elektrondyq "salyq tóleýshiniń kabinetinde".
- Aýdandyq memlekettik kirister basqarmasyna jekelei baryp.
Sonymen qatar, 1 qańtardan bastap bai-baǵlandar salyǵy paida bolady. Eger obektilerdiń jiyntyq quny 450 mln teńgeden asatyn bolsa, onda osyndai salyqty tóleýge týra keledi.
