Almatyda bolǵan jappai tóbeleske qatysty qylmystyq is úsh bap boiynsha tergelip jatyr. Bul týraly Májilis kýlýarynda Ishki ister ministriniń orynbasary Sanjar Ádilov málimdedi, dep habarlaidy dalanews.kz.
Onyń aitýynsha, qazirgi tańda qylmystyq is adam óltirý jáne buzaqylyqty qosa alǵanda úsh bap boiynsha qozǵalǵan. Is aiasynda qajetti tergeý amaldary júrgizilip jatyr.
"Negizgi kúdiktiler tergeý sotynyń sanktsiiasymen qamaýǵa alyndy. Qazir barlyq mán-jai jan-jaqty tekserilip jatyr", – dedi Sanjar Ádilov.
Ministr orynbasary taraptar aityp otyrǵan barlyq ýáj ben derek sotqa deiingi tergeý barysynda muqiiat qaralatynyn atap ótti.
Aita keteiik, aldyn ala málimet boiynsha, janjal Almatydaǵy kompiýter klýbtarynyń birinde bastalǵan. Keiin jastar arasyndaǵy kikiljiń kóshede jalǵasyp, jappai tóbeleske ulasqan.
Qaza tapqan jasóspirimderdiń biriniń anasy áleýmettik jelide oqiǵaǵa qatysty óz nusqasyn aitqan. Onyń sózinshe, tóbeles kezinde belgisiz jigit ulynyń dosyn pyshaqpen júrek tusynan jaralaǵan. Osydan keiin ashýǵa býlyqqan jasóspirim kúdiktiniń sońynan júgirgen. Anasynyń aitýynsha, sol sátte onyń ulyn da pyshaqtap ketken.
