15 قاراشادا اتىراۋ قالاسىنىڭ №2 سوتى اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆانى 7 جىلعا بوستاندىعىنان ايىرۋ, الايدا كەمەلەتكە تولماعان بالالارى بارىن ەسكەرە وتىرىپ, جازانى ٷش جىلدان كەيٸن ٶتەۋ جٶنٸندە ٷكٸم شىعاردى.
سوت ٷكٸمٸندە باقىتگٷل حامەنوۆانىڭ مٷلكٸ تەركٸلەنەتٸنٸ, "قۇرمەت" وردەنٸ مەن مەملەكەتتٸك لاۋازىمدى اتقارۋ قۇقىعىنان ٶمٸر بويىنا ايىرىلعانى كٶرسەتٸلگەن.
سوت زالىنان ۋاقىتشا بوستاندىققا شىققان سوڭ باقىتگٷل حامەنوۆا "سوت ٷكٸمٸمەن كەلٸسپەيتٸنٸن, اپەللياتسييالىق شاعىم تٷسٸرەتٸنٸن" مەلٸمدەدٸ.
باقىتگٷل حامەنوۆا ٸسٸمەن بٸرگە قارالىپ جاتقان اتىراۋ وبلىستىق مەدەنيەت باسقارماسىنىڭ بۇرىنعى جەتەكشٸسٸ اقىلبەك رىسقاليەۆتٸ سۋديا جۇماعالي تەشٸموۆ 7 جىلعا, "بالقىتۋ" جشس ديرەكتورى ٶمٸرتاي اداموۆتى 4 جىلعا بوستاندىعىنان ايىردى.
31 قازاندا اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆانىڭ ٸسٸ بويىنشا ٶتكەن كەزەكتٸ سوت وتىرىسىنداعى جارىسسٶزدەن كەيٸن پروكۋرور لاۋرا اسانوۆا حامەنوۆانى جەتٸ جىلعا بوستاندىعىنان ايىرۋدى, مٷلكٸن تەركٸلەپ, مەملەكەتتٸك قىزمەت اتقارۋعا ٶمٸر بويىنا تىيىم سالۋدى, كەمەلەتكە تولماعان جاس بالالارى بار ەكەنٸن ەسكەرٸپ, جازاسىن ٷش جىلدان كەيٸن ٶتەۋگە مٸندەتتەۋدٸ سۇراعان.
پروكۋرور اتىراۋ وبلىستىق تٸلدەردٸ دامىتۋ جەنە ارحيۆ باسقارماسىنىڭ بۇرىنعى جەتەكشٸسٸ اقىلبەك رىسقاليەۆتٸ دە 7 جىلعا بوستاندىعىنان ايىرۋدى, "بالقىتۋ" كومپانيياسىنىڭ ديرەكتورى ٶمٸرتاي اداموۆتى 4 جىلعا بوستاندىعىنان ايىرۋدى سۇراعان.
13 قازانداعى سوت وتىرىسىندا اقىلبەك رىسقاليەۆ "پارا الۋشى جەنە پارا بەرۋشٸ اراسىنداعى دەلدال بولعانى تۋرالى" بۇرىنعى سٶزٸنەن اينىپ, حامەنوۆانىڭ "4,5 ميلليون تەڭگەگە قاتىسى جوعىن" مەلٸمدەگەن. ول بۇرىنعى سٶزٸن "سىبايلاس جەمقورلىققا قارسى ٸس-قيمىل اگەنتتٸگٸ قىزمەتكەرلەرٸنٸڭ قىسىمىمەن ايتتىم" دەگەن.
اتىراۋ وبلىسى ەكٸمٸنىڭ بۇرىنعى ورىنباسارى باقىتگٷل حامەنوۆا مەن وبلىستىق مەدەنيەت باسقارماسىنىڭ بۇرىنعى جەتەكشٸسٸ اقىلبەك رىسقاليەۆ اتىراۋعا "اباي ەسكەرتكٸشٸن ورناتۋعا ارنالعان مەملەكەتتٸك ساتىپ الۋ كەلٸسٸمٸن جاساسقاندا 4,5 ميلليون تەڭگە پارا العان" دەگەن كٷدٸككە ٸلٸنگەن ەدٸ.
باقىتگٷل حامەنوۆا ٸسٸ بيىل مامىردا سوتقا تٷسكەن. ونىڭ ۇستالعانى تۋرالى اقپارات 2021 جىلدىڭ جەلتوقسانىندا شىققان ەدٸ. باستاپقىدا ٷيقاماققا الىنىپ, كەيٸن تەرگەۋ يزولياتورىنا اۋىستىرىلعان.
باقىتگٷل حامەنوۆا 2020 جىلدىڭ ناۋرىز ايىندا اتىراۋ وبلىسى ەكٸمٸنٸڭ ورىنباسارى قىزمەتٸنە تاعايىندالعان. وعان دەيٸن التىنشى شاقىرىلىمداعى پارلامەنت مەجٸلٸسٸنٸڭ دەپۋتاتى (2016 جىلدىڭ ناۋرىزى - 2020 جىلدىڭ ناۋرىزى) بولعان.
ونىڭ 2016 جىلى "نۇر وتان" پارتيياسىنىڭ (قازٸرگٸ - "امانات) سەزٸندە قازاقستاننىڭ سول كەزدەگٸ پرەزيدەنتٸ نۇرسۇلتان نازارباەۆقا ارنالعان ماداق سٶزٸ قوعامدا كٶپ تالقىلانعان ەدٸ.
