1) وقۋلىق جۇيەسىن جونگە كەلتىرىپ، بالالار ءبىر ادىستەمەمەن وقىسا! "اتامۇراعا" ءبىر كىتاپ، "مەكتەپ" باسپاسىنا ءبىر كىتاپ باستىرىپ بالالاردىڭ ميىن اشىتىپ جۇرگەن "وقۋلىق" ورتالىعىن جاپسا، يا بولماسا اقشانىڭ جولىنان شىعارىپ، ءبىلىم سۇرلەۋىنە سالسا.
2) "الىپپە"، "انا ءتىلى" قايتا ورالسا. باستاۋىش سىنىپ بالالارىنا اۋەلى ءماتىن وقىتىپ، ودان كەيىن ءارىپ ۇيرەتەتىن قويىرتپاق ادىستەمە دوعارىلسا.
3) جوعارى سىنىپ شاكىرتتەرى تەست جاتتاۋعا ۋاقىتىن سارپ ەتپەي شىنايى ءبىلىم السا.
4) شەت ءتىلىن جاپون تاسىلىمەن تەك 5-6 سىنىپتان باستاپ ەنگىزسە. ورىس ءتىلى دە وسى ساناتتا.
5) كىتاپ، داپتەر سانىن كەمىتسە، بالا بىتكەن مۇگەدەك بولاتىن بولدى، اۋىر.
6) قيالي اۆتورلاردى يت قوسىپ قۋسا، كەيبىرىنىڭ وقۋلىققا قوسقان تاپسىرماسىن بالا تۇگىلى اتا-انالار جابىلىپ شەشە المايدى.
7) 7-8 سىنىپتارعا ارنالعان "قازاق ءتىلى" دەگەن تابيعاتتانۋ، اناتوميا، استرونوميا، بيولوگيا، ت.ب. قوسىلعان بىلامىق كىتاپتىڭ كوزىن قۇرتىپ، ەرەجە مەن جاتتىعۋعا سۇيەنگەن قاراپايىم دا عۇلاما ءتىل ءپانىن قالپىنا كەلتىرسە.
8) سوزدىك شىعارۋدى بيزنەسكە اينالدىرىپ، "الما اعاشى" دەگەندى بىرەسە قوسىپ، بىرەسە بولەك جازىپ ۇلكەن-كىشىنى جىندى ەتىپ جۇرگەن "دانىشپان"-عالىمدارعا توقتاۋ سالسا؟! ءتىل كوميتەتى باسقا قۇرىلىمدا بولعانىمەن عالىمدار وسى كىسىگە قارايدى.
9) لاتىن تاڭباسىنا قاتىستى جاسالعان ەملەنى اشىق تالقىعا سالدىرسا، ءبىراز شيكىلىك بارى كوپ ايتىلدى. بۇل ماسەلەدە "ءىس ءبىتتى، قۋ كەتتىگە" جول بەرۋگە بولمايدى، ءالىپبي شيكى بولسا قازاق بالاسىنىڭ ميى ايران بولادى. ءوز تىلىندە ەجىكتەپ سويلەيتىن ەكستىڭ بۇل ماسەلەگە زەر سالعانى، ءبىر نارسە تۇسىنگەنى شامالى.
مىنە، ءوستىپ تىزە بەرۋگە بولادى، ءبىلىم سالاسى بىلىعىپ كەتتى. ءمۇعالىم، ديرەكتور، وسى سالانىڭ ۆيسە-مينيسترى بولعان كۇلاش حانىمنىڭ قولىنان كەلەر...
سەرىك ابىكەن ۇلى،
Facebook-تەگى جازباسىنان
