1) Oqýlyq júıesin jónge keltirip, balalar bir ádistememen oqysa! "Atamuraǵa" bir kitap, "Mektep" baspasyna bir kitap bastyryp balalardyń mıyn ashytyp júrgen "Oqýlyq" ortalyǵyn japsa, ıa bolmasa aqshanyń jolynan shyǵaryp, bilim súrleýine salsa.
2) "Álippe", "Ana tili" qaıta oralsa. Bastaýysh synyp balalaryna áýeli mátin oqytyp, odan keıin árip úıretetin qoıyrtpaq ádisteme doǵarylsa.
3) Joǵary synyp shákirtteri test jattaýǵa ýaqytyn sarp etpeı shynaıy bilim alsa.
4) Shet tilin japon tásilimen tek 5-6 synyptan bastap engizse. Orys tili de osy sanatta.
5) Kitap, dápter sanyn kemitse, bala bitken múgedek bolatyn boldy, aýyr.
6) Qıalı avtorlardy ıt qosyp qýsa, keıbiriniń oqýlyqqa qosqan tapsyrmasyn bala túgili ata-analar jabylyp sheshe almaıdy.
7) 7-8 synyptarǵa arnalǵan "Qazaq tili" degen tabıǵattaný, anatomıa, astronomıa, bıologıa, t.b. qosylǵan bylamyq kitaptyń kózin qurtyp, ereje men jattyǵýǵa súıengen qarapaıym da ǵulama til pánin qalpyna keltirse.
8) Sózdik shyǵarýdy bızneske aınaldyryp, "alma aǵashy" degendi birese qosyp, birese bólek jazyp úlken-kishini jyndy etip júrgen "danyshpan"-ǵalymdarǵa toqtaý salsa?! Til komıteti basqa qurylymda bolǵanymen ǵalymdar osy kisige qaraıdy.
9) Latyn tańbasyna qatysty jasalǵan emleni ashyq talqyǵa saldyrsa, biraz shıkilik bary kóp aıtyldy. Bul máselede "İs bitti, qý kettige" jol berýge bolmaıdy, álipbı shıki bolsa qazaq balasynyń mıy aıran bolady. Óz tilinde ejiktep sóıleıtin ekstiń bul máselege zer salǵany, bir nárse túsingeni shamaly.
Mine, óstip tize berýge bolady, bilim salasy bylyǵyp ketti. Muǵalim, dırektor, osy salanyń vıse-mınıstri bolǵan Kúlásh hanymnyń qolynan keler...
Serik Ábikenuly,
Facebook-tegi jazbasynan
