Beu Fest – زاماناۋي اۋەندەر مەن شىعارماشىل جاستاردىڭ مەرەكەسى. ايتۋلى فەستيۆال ارۋ قالا الماتىدا بيىل ءۇشىنشى مارتە وتكىزىلمەك. مۋزىكانتتار مەن ونەر سۇيەر قاۋىمنىڭ باسىن قوساتىن ءىس-شارا 8ء-شى ماۋسىمعا جوسپارلانىپ وتىر، دەپ حابارلايدى Dalanews.kz. 

Beu Fest از عانا ۋاقىت ىشىندە جەرگىلىكتى تۇرعىنداردىڭ عانا ەمەس، ەل قوناقتارىنىڭ دا نازارىن اۋدارا الدى. بۇل فەcتيۆال – قازاقستاننىڭ مادەني ءومىرىنىڭ اجىراماس بولىگىنە اينالدى. مۋزىكانىڭ ءتۇرلى جانىرىن ۇسىنىپ، قايتالانباس قويىلىمداردى پاش ەتەتىن باستاما جاس تالانتتارعا دا ەرەكشە قولداۋ بىلدىرەدى.

بيىلعى فەستيۆال Q-pop پەن ينديدەن حيپ-حوپقا دەيىنگى جانرلاردىڭ كەڭ اۋقىمىن ۇسىنادى. ونىڭ باستى ەرەكشەلىگى – قازاقستان ەستراداسىنىڭ دوس-مۇقاسان، URKER جانە Ghetto Dogs سياقتى اتى اڭىزعا اينالعان توپتارىنىڭ قاتىسۋى. ساحنا تارلاندارى كورەرمەندەرگە نوستالگيالىق ترەكتەردى ورىنداپ، جاس ورىنداۋشىلارمەن بىرەگەي بىرلەسكەن قويىلىمدار ۇسىناتىن بولادى.

Beu Fest 2024 قاتىسۋشىلارى اراسىندا Dequine، Shiza، Amre، Qanay، Kazybek Kuraiysh، ARShAT، Tynda Music، il 'han Ihsan، kilemger، ALPHA، ميراس جۇگىنىسوۆ، Dosekesh، ۇلانعاسىر قامي، T' OI، niyazkul جانە ايبەك سەرىكحانوۆ سياقتى ورىنداۋشىلار بار.

سونىمەن قاتار، Beu Fest 2024 Duisenbi، Ellaya، JANEL جانە Aka1dar سەكىلدى قازاق ەستاراداسىنىڭ جاڭا جۇلدىزدارىنا تىڭ پلاتفورما ۇسىنادى. بۇل – جاس ونەرپازدارعا قولداۋ مەن ولاردى دامىتۋعا دەگەن ۇمتىلىستىڭ كورىنىسى.

Beu Fest 2024 – ۇزاق ۋاقىت ەستە قالاتىن مۋزىكالىق مەرەكە!

وتەتىن كۇنى: 8 ماۋسىم، 2024 جىل
ءىس-شارانىڭ باستالۋى: 18:00.
وتەتىن ورنى: «سۇڭقار» حالىقارالىق شاڭعى ترامپليندەرى كەشەنى.

بيلەتتەردى ساتۋدان تۇسكەن قارجىنىڭ ءبىر بولىگى سۋ تاسقىنىنان زارداپ شەككەندەرگە كومەك رەتىندە جۇمسالادى.

بيلەتتەردى iticket.kz، zakazbiletov.kz، ticketon.kz سەكىلدى بيلەت وپەراتورلارىنىڭ رەسمي سايتتارىنان ساتىپ الۋعا بولادى

Beu Fest 2024 فەستيۆالىنە قوسىلىپ، بىزبەن بىرگە مۋزىكا فەستيۆالىنىڭ ۇمىتىلماس اتموسفەراسىنا ەنىڭىزدەر!