تۇڭعىش پرەزيدەنت كۇنىن ءبىز ماقتانىشپەن سەزىنەمىز. ويتكەنى ەلباسى نۇرسۇلتان نازاربايەۆ  قازاق حالقىنىڭ ىنتىماقتاستىعىن جاراستىرىپ، بۇكىلالەمدىك تىنىشتىققا، دۇنيەجۇزىندەگى حالىقتار مەن مەملەكەتتەر اراسىنداعى كەلىسىمگە، دۇنيەجۇزىلىك مادەنيەتتى، بەيبىتشىلىكتى ارتتىرۋعا سۇبەلى ۇلەس قوسىپ، جاڭا مەملەكەتتىڭ كەلبەتىن قالىپتاستىردى.

مەملەكەت باسشىسى جاڭا مەملەكەت بولاشاعىنىڭ تاريحي جاۋاپكەرشىلىگىن ءوز موينىنا الدى. وسى جاۋاپكەرشىلىكتى كوشباسشىمىزدىڭ جەكە موينىنا الۋ فاكتورى ءوز حالقىنىڭ الدىندا ەلىمىزدىڭ – بىرلىكتە، تۇراقتىلىقتا، تياناقتى دامۋدىڭ ماڭىزدى جەتىستىگى.

بۇگىندە قازاقستاندىق حالىق بۇتىندەي پرەزيدەنتتىڭ جۇرگىزىپ وتىرعان رەفورمالارىن، الەمدىك ساياساتتى جانە بىرلىكتى قولدايدى. ونىڭ اتىمەن ءبىز ەلىمىزدىڭ تۇراقتىلىعىن جانە ەكونوميكالىق جاڭعىرتىلۋىن بايلانىستىرامىز. بيىلعى جىلى ەلباسىمىزدىڭ جارلىعىمەن كەلەس اۋدانى 21 جىلدان كەيىن ءوز الدىنا جاڭا اۋدان بولىپ، بۇكىل كەلەس حالقى ۇلكەن قۋانىشقا بولەنگەن بولاتىن.

ەلىمىزدە تاتۋلىق پەن بىرلىكتىڭ، كەلىسىم مەن تۇسىنىستىكتىڭ ورناۋى، حالقىمىزدىڭ زور جەتىستىكتەرگە جەتۋى – ەلباسىنىڭ سارابدال، دانا ساياساتىنىڭ جەمىسى. سول سەبەپتى دە كەمەڭگەر كوشباسشىمىزدىڭ قوعام ومىرىنە ارناعان ەرەن ەڭبەگىن باعالاي ءبىلۋ بارشامىزدىڭ پارىزىمىز. تۇڭعىش پرەزيدەنتىمىزدىڭ كەلەس حالقىنا دەگەن ىقىلاسى ءۇشىن كەلەس حالقى اتىنان ەرەكشە العىسىمىزدى ايتامىز.

كەلەس اۋدانىنىڭ بارلىق تۇرعىندارىنا جاقسى كوڭىل كۇي، جاڭا جەتىستىكتەر، شىعارماشىلىق تابىستار، مىقتى دەنساۋلىق جانە جاڭا باستامالاردا تەك قانا ساتتىلىك بولىپ، رەسپۋبليكامىزدىڭ يگىلىگى جولىنداعى ەڭبەكتەرىڭىزگە جەمىستى تابىستار تىلەيمىز!

 

اقمەنتاي ەسبايەۆ، كەلەس اۋدانىنىڭ اكىمى.