جامبىلداعى جارىلىس: ٶرت سٶندٸرۋشٸ وقيعانىڭ مەن-جايىن ايتتى
الماز ەسٸمدٸ ٶرت سٶندٸرۋشٸ جامبىل وبلىسىنداعى جارىلىستىڭ قالاي بولعانىن ايتتى. ايتۋىنشا, ٶرت سٶندٸرۋشٸلەرٸ وقيعا ورنىندا جارىلىس بولۋ قاۋپٸ بارىن بٸلمەگەن.
“بٸزگە باسشىلىعىمىز بۇيرىق بەردٸ. باسشىلارىمىزدىڭ ٶزٸ دە الداندى. ول جەردە جارىلىس بولاتىنىن بٸلسەك, ٶلسەك تە بارماس ەدٸك. بٸز بارعاندا ەسكەريلەر جٷردٸ. بٸراق بەرٸ قورقىپ تۇرعانداي بولدى. بەرٸ توپتاستى دا كەتٸپ قالدى. جارىلىس بولماي ما دەپ سۇراعاندا “جوق, جارىلاتىن ەشنەرسە جوق” دەدٸ. ەسكەريلەردٸڭ بەرٸ قاشىپ كەتتٸ. بٸز الدانىپ قالدىق. ٷلكەن پولكوۆنيك ازاماتتىڭ ٶزٸ “جارىلىس بولمايدى, قورقىنىشتى ەمەس” دەپ ٶزٸ كەرٸ شەگٸنە باستادى. بٸز كامازدا بولعانبىز. جارىلىستى كٶزٸممەن كٶردٸم. جارىلىس بولعاندا كامازدىڭ ارتقى جاعىنا بەرٸمٸزدٸ شايىپ شىعاردى.
قاراۋىل باسشىسى مەنٸ سٷيرەپ بٸر تاساعا ەكەلدٸ. كەيٸن تاعى بٸرەۋٸن ەكەلدٸ. سٶيتٸپ بەرٸمٸزدٸ بٸر جەرگە جينادى. مەنٸڭ ەكٸ كٶزٸم دە كٶرمەي قالدى. قولىم سىنىپ كەتتٸ. ۋ-شۋدا بٸر-بٸرٸمٸزدەن اجىراپ قالدىق. مەن ەركٸمنەن بٸر كٶمەك سۇراپ سىرتقا قاراي شىقتىم. بٸز الداندىق. جارىلاتىن زات جوق ەكەن دەپ سەندٸك. بٸز ٶرت سٶندٸرە باستاعاندا وقتار اقىرىنداپ اتىلا باستاعان ەدٸ. سوسىن باسشىمىز كٷدٸكتەنە باستادى. “بٸر شيكٸلٸك بار سەكٸلدٸ. اقىرىنداپ ارتقا شەگٸنەيٸك” دەدٸ. سول كەزدە جارىلىس بولدى”, – دەدٸ زارداپ شەگۋشٸ.
"پولكوۆنيك جارىلمايدى دەدٸ دە, ٶزٸ شەگٸنە باستادى". الماز — جارىلىستان قۇداي ساقتاپ, امان قالعان ٶرت سٶندٸرۋشٸ. "جارىلاتىن زات جوق دەپ باسشىلارىمىزعا ايتتى, ولار دا الدانىپ قالعان سيياقتى. ال, ەسكەريلەر شەگٸنە باستاعان. جارىلىستان امان قالعاندار, جاقىندارىنا ٶزدەرٸنە ٶرت شىققان جەردٸڭ قارۋ قويماسى ەكەنٸ ەسكەرتٸلمەگەنٸن, ەسكەريلەردٸڭ كٶبٸ ٶرت باستالعاندا كەتٸپ قالعانىن ايتقان”, – دەپ جازدى يرينا سوۆەتجانقىزى.
ايتا كەتەيٸك, جامبىل وبلىسىندا جارىلىس كەزٸندە قازا تاپقاندار سانى 14-كە جەتتٸ.
دەرەككٶز: stan.kz
