Jambyldaǵy jarylys: órt sóndirýshi oqiǵanyń mán-jaiyn aitty
Almaz esimdi órt sóndirýshi Jambyl oblysyndaǵy jarylystyń qalai bolǵanyn aitty. Aitýynsha, órt sóndirýshileri oqiǵa ornynda jarylys bolý qaýpi baryn bilmegen.
“Bizge basshylyǵymyz buiryq berdi. Basshylarymyzdyń ózi de aldandy. Ol jerde jarylys bolatynyn bilsek, ólsek te barmas edik. Biz barǵanda áskeriler júrdi. Biraq bári qorqyp turǵandai boldy. Bári toptasty da ketip qaldy. Jarylys bolmai ma dep suraǵanda “joq, jarylatyn eshnárse joq” dedi. Áskerilerdiń bári qashyp ketti. Biz aldanyp qaldyq. Úlken polkovnik azamattyń ózi “jarylys bolmaidy, qorqynyshty emes” dep ózi keri shegine bastady. Biz kamazda bolǵanbyz. Jarylysty kózimmen kórdim. Jarylys bolǵanda kamazdyń artqy jaǵyna bárimizdi shaiyp shyǵardy.
Qaraýyl basshysy meni súirep bir tasaǵa ákeldi. Keiin taǵy bireýin ákeldi. Sóitip bárimizdi bir jerge jinady. Meniń eki kózim de kórmei qaldy. Qolym synyp ketti. Ý-shýda bir-birimizden ajyrap qaldyq. Men árkimnen bir kómek surap syrtqa qarai shyqtym. Biz aldandyq. Jarylatyn zat joq eken dep sendik. Biz órt sóndire bastaǵanda oqtar aqyryndap atyla bastaǵan edi. Sosyn basshymyz kúdiktene bastady. “Bir shikilik bar sekildi. Aqyryndap artqa shegineiik” dedi. Sol kezde jarylys boldy”, – dedi zardap shegýshi.
"Polkovnik jarylmaidy dedi de, ózi shegine bastady". Almaz — jarylystan qudai saqtap, aman qalǵan órt sóndirýshi. "Jarylatyn zat joq dep basshylarymyzǵa aitty, olar da aldanyp qalǵan siiaqty. Al, áskeriler shegine bastaǵan. Jarylystan aman qalǵandar, jaqyndaryna ózderine órt shyqqan jerdiń qarý qoimasy ekeni eskertilmegenin, áskerilerdiń kóbi órt bastalǵanda ketip qalǵanyn aitqan”, – dep jazdy Irina Sovetjanqyzy.
Aita keteiik, Jambyl oblysynda jarylys kezinde qaza tapqandar sany 14-ke jetti.
Derekkóz: stan.kz
